بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسى بارىسىندا اقتوبە وبلىسىنىڭ اكىمى وڭداسىن ورازالين حابارلادى.
وڭىردە تۇرعىن ءۇي قۇرىلىسى سالاسىنىڭ قارقىندى دامۋى بايقالادى. اتاپ ايتقاندا، تۇرعىن ءۇي قۇرىلىسى بەلسەندى دامىپ، "نۇرلى جەر" باعدارلاماسى جۇزەگە اسىرىلۋدا. قازىرگى تاڭدا 558 مىڭ م2 باسپانا (3 785 پاتەر) پايدالانۋعا بەرىلدى. جىل سوڭىنا دەيىن 1 ملن.م2 (7 200) پاتەر تاپسىرۋ جوسپارلانىپ وتىر. ال "7-20-25" باعدارلاماسى بويىنشا شامامەن 1 400 ءوتىنىم ماقۇلداندى.
«تۇرعىن ءۇي كەزەگىندە 31,2 مىڭ ادام تۇر، ونىڭ ىشىندە 16,5 مىڭى – حالىقتىڭ الەۋمەتتىك وسال توپتارىنىڭ وكىلدەرى، 2,8 مىڭى - كوپ بالالى وتباسى. اعىمداعى جىلى 1 084 وتباسىنا پاتەر بەرۋ جوسپارلانۋدا، 485 وتباسى تۇرعىن ءۇي الدى، ونىڭ ىشىندە 222 - حالىقتىڭ الەۋمەتتىك وسال توپتارىنىڭ وكىلدەرى، 236-كوپبالالى وتباسىلار. بۇل ماقساتقا 6,5 ملرد. تەڭگە قاراستىرىلعان. كەلەسى جىلعا 1,1 ملن م2 تۇرعىن ءۇيدى نەمەسە 7 500-دەي پاتەردى پايدالانۋعا بەرۋ جوسپارلانعان»،- دەدى سپيكەر.
پاندەمياعا بايلانىستى اعىمداعى جىلدىڭ ناۋرىز ايىنان مامىر ايىنا دەيىن اقتوبە قالاسى بويىنشا كوممۋنالدىق قىزمەتتەرگە شەكتى تاريفتەر 20% - عا، اۋداندار بويىنشا 50% - عا، ەلەكتر ەنەرگياسىن تۇرمىستىق ماقساتتاردا پايدالاناتىن تۇرعىنداردىڭ توپتارى ءۇشىن وبلىس بويىنشا ەلەكترمەن جابدىقتاۋعا 10% شەگىندە تومەندەتىلدى.
وبلىستا حالىقتىڭ ءومىر ءسۇرۋ ساپاسىن ارتتىرۋ بويىنشا جۇيەلى شارالار قابىلدانۋدا.
ەلدى مەكەندەردى سۋمەن جانە گازبەن جابدىقتاۋ جونىندەگى جوبالاردى ىسكە اسىرۋدىڭ قورىتىندىلارى بويىنشا وسى جىلدىڭ سوڭىنا دەيىن حالىقتى ورتالىقتاندىرىلعان سۋمەن جابدىقتاۋ 95,8% – دى، گازبەن جابدىقتاۋ 91,3% - دى قۇرايدى.
2021 جىلى 12 ەلدى مەكەننىڭ تۇرعىندارىن اۋىز سۋمەن، 8 ەلدى مەكەندى گازبەن قامتاماسىز ەتۋ جوبالارىن ىسكە اسىرۋ جوسپارلانىپ وتىر، جوبا قۇنى 4,8 ملرد.تەڭگە.
اقتوبە وبلىسىندا 2020 جىلى 1 ملن شارشى مەتر تۇرعىن ءۇي تاپسىرىلادى
06.11.2020
2001
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз