Basty bet
Aqtóbe
Aqtóbe oblysynda 2020 jyly 1 mln sharshy metr turǵyn úı tapsyrylady

Aqtóbe oblysynda 2020 jyly 1 mln sharshy metr turǵyn úı tapsyrylady

06.11.2020

2270

Bul týraly Ortalyq kommýnıkaııalar qyzmetinde ótken baspasóz konferenııasy barysynda Aqtóbe oblysynyń ákimi Ońdasyn Orazalın habarlady.
Óńirde turǵyn úı qurylysy salasynyń qarqyndy damýy baıqalady. Atap aıtqanda, turǵyn úı qurylysy belsendi damyp, "Nurly jer" baǵdarlamasy júzege asyrylýda. Qazirgi tańda 558 myń m2 baspana (3 785 páter) paıdalanýǵa berildi. Jyl sońyna deıin 1 mln.m2 (7 200) páter tapsyrý josparlanyp otyr. Al "7-20-25" baǵdarlamasy boıynsha shamamen 1 400 ótinim maquldandy.
«Turǵyn úı kezeginde 31,2 myń adam tur, onyń ishinde 16,5 myńy – halyqtyń áleýmettik osal toptarynyń ókilderi, 2,8 myńy - kóp balaly otbasy. Aǵymdaǵy jyly 1 084 otbasyna páter berý josparlanýda, 485 otbasy turǵyn úı aldy, onyń ishinde 222 - halyqtyń áleýmettik osal toptarynyń ókilderi, 236-kópbalaly otbasylar. Bul maqsatqa 6,5 mlrd. teńge qarastyrylǵan. Kelesi jylǵa 1,1 mln m2 turǵyn úıdi nemese 7 500-deı páterdi paıdalanýǵa berý josparlanǵan»,- dedi spıker.
Pandemııaǵa baılanysty aǵymdaǵy jyldyń naýryz aıynan mamyr aıyna deıin Aqtóbe qalasy boıynsha kommýnaldyq qyzmetterge shekti tarıfter 20% - ǵa, aýdandar boıynsha 50% - ǵa, elektr energııasyn turmystyq maqsattarda paıdalanatyn turǵyndardyń toptary úshin oblys boıynsha elektrmen jabdyqtaýǵa 10% sheginde tómendetildi.
Oblysta halyqtyń ómir súrý sapasyn arttyrý boıynsha júıeli sharalar qabyldanýda.
Eldi mekenderdi sýmen jáne gazben jabdyqtaý jónindegi jobalardy iske asyrýdyń qorytyndylary boıynsha osy jyldyń sońyna deıin halyqty ortalyqtandyrylǵan sýmen jabdyqtaý 95,8% – dy, gazben jabdyqtaý 91,3% - dy quraıdy.
2021 jyly 12 eldi mekenniń turǵyndaryn aýyz sýmen, 8 eldi mekendi gazben qamtamasyz etý jobalaryn iske asyrý josparlanyp otyr, joba quny 4,8 mlrd.teńge.

Facebook - парақшамызға жазылыңыз!