شىمكەنت قالاسىندا بيىل اۆتوموبيل جولدارىن جوندەۋ ماقساتىندا 261 نىسان، ياعني 416,8 شاقىرىم جول مەن كوشەلەرگە قۇرىلىس-جوندەۋ جۇمىستارىن جۇرگىزۋگە قارجى قارالعان. بۇل قارجىعا 15 نىسانعا قۇرىلىس جۇمىستارى، 10 نىسانعا قايتا قۇرۋ، 6 نىسانعا كۇردەلى جوندەۋ، 225 نىسانعا ورتاشا جوندەۋ جۇمىستارى جۇرگىزىلسە، 15 نىسانعا جوبالىق-سمەتالىق قۇجاتتاما ازىرلەنەدى.
ونىڭ ىشىندە 240 نىسان نەمەسە 304,9 شاقىرىم جول اعىمداعى جىلى پايدالانۋعا بەرىلەتىن بولادى.
شىمكەنت قالاسىنىڭ جولاۋشىلار كولىگى جانە اۆتوموبيل جولدارى باسقارماسى ماماندارىنىڭ مالىمدەۋىنشە، 9 اي قورىتىندىسى بويىنشا بۇگىنگى تاڭدا 225 نىساندا نەمەسە 260 شاقىرىم جول جوندەۋ جۇمىستارى اياقتالعان. جىل سوڭىنا دەيىن تاعى 15 نىسان (44,9 شق.) پايدالانۋعا تاپسىرىلادى.
سونىمەن قاتار، رەسپۋبليكا داڭعىلى (ب.مومىشۇلى كوشەسىنەن بەكەتكە دەيىن), ا.اسقاروۆ كوشەسى (رەسپۋبليكا داڭعىلىنان اباي داڭعىلىنا دەيىن), جانگەلدين كوشەسى (ايبەرگەنوۆ كوشەسىنەن راشيدوۆا كوشەسىنە دەيىن), تۇركىستان كوشەسى (ا.بايتۇرسىنوۆ كوشەسىنەن تاشەنوۆ كوشەسىنە دەيىن), ا.بايتۇرسىنوۆ كوشەسى (تۇركىستان كوشەسىنەن دەندروساياباققا دەيىن), ت.رىسقۇلوۆ كوشەسى (ا.بايتۇرسىنوۆ كوشەسىنەن ءال-فارابي كوشەسىنە دەيىن) ۆەلوسيپەدشىلەر جولى سالىنىپ جاتىر.
شىمكەنت قالاسى اكىمىنىڭ ءباسپاسوز قىزمەتى
