Shymkent qalasynda bıyl avtomobıl joldaryn jóndeý maqsatynda 261 nysan, ıaǵnı 416,8 shaqyrym jol men kóshelerge qurylys-jóndeý jumystaryn júrgizýge qarjy qaralǵan. Bul qarjyǵa 15 nysanǵa qurylys jumystary, 10 nysanǵa qaıta qurý, 6 nysanǵa kúrdeli jóndeý, 225 nysanǵa ortasha jóndeý jumystary júrgizilse, 15 nysanǵa jobalyq-smetalyq qujattama ázirlenedi.
Onyń ishinde 240 nysan nemese 304,9 shaqyrym jol aǵymdaǵy jyly paıdalanýǵa beriletin bolady.
Shymkent qalasynyń jolaýshylar kóligi jáne avtomobıl joldary basqarmasy mamandarynyń málimdeýinshe, 9 aı qorytyndysy boıynsha búgingi tańda 225 nysanda nemese 260 shaqyrym jol jóndeý jumystary aıaqtalǵan. Jyl sońyna deıin taǵy 15 nysan (44,9 shq.) paıdalanýǵa tapsyrylady.
Sonymen qatar, Respýblıka dańǵyly (B.Momyshuly kóshesinen beketke deıin), A.Asqarov kóshesi (Respýblıka dańǵylynan Abaı dańǵylyna deıin), Jangeldın kóshesi (Aıbergenov kóshesinen Rashıdova kóshesine deıin), Túrkistan kóshesi (A.Baıtursynov kóshesinen Tashenov kóshesine deıin), A.Baıtursynov kóshesi (Túrkistan kóshesinen Dendrosaıabaqqa deıin), T.Rysqulov kóshesi (A.Baıtursynov kóshesinen Ál-Farabı kóshesine deıin) velosıpedshiler joly salynyp jatyr.
Shymkent qalasy ákiminiń baspasóz qyzmeti
