شىمكەنت قالاسى ەڭبەكشى اۋدانىندا بيىل 64 ءۇيدىڭ اۋلاسىنا اباتتاندىرۋ جانە بالالار ويىن الاڭشالارىن ورناتۋ جۇمىستارى جۇرگىزىلۋدە. جىل سوڭىندا اباتتاندىرىلعان ۇيلەردىڭ سانى 565-كە جەتەدى. بۇل كورسەتكىش 89,7% پايىزدى قۇرايدى. قالعان 47 ءۇيدىڭ اۋلاسى ينجەنەرلىك جۇيەلەرمەن تولىق قامتىلعان سوڭ بارىپ اباتتاندىرىلادى.
سونىمەن قاتار، 2011 جىلى اباتتاندىرۋ جۇمىستارى جۇرگىزىلگەن 80 كوپقاباتتىڭ ءۇيدىڭ 43-ءنىڭ اۋلاسىندا ورنالاسقان بالالار ويىن الاڭشالارىن جوندەۋ جانە قايتا قۇرۋ جۇمىستارى جۇرگىزىلدى. ودان بولەك، اۋلالارىنىڭ توزىعى جەتكەن 46 كوپقاباتتى ءۇيدىڭ اۋلاسىن جوندەۋ جانە بالالار ويىن الاڭشالارىن قايتا قۇرۋعا سمەتالىق قۇجاتتار ازىرلەندى. ولارعا 2021 جىلعا بيۋدجەتتىك ءوتىنىم بەرىلدى.
شىمكەنت قالاسى اكىمىنىڭ ءباسپاسوز قىزمەتى
