بيىل «نۇرلى جەر» مەملەكەتتىك باعدارلاماسىنىڭ «7-20-25»، «2-10-20» جانە «جۇمىس ىستەيتىن جاستارعا ساتىپ الۋ قۇقىعىنسىز جالعا بەرىلەتىن تۇرعىن ءۇي» تۇرعىن ءۇي باعىتتارىن اۆتوماتتاندىرۋ ماقساتىندا «شىمكەنت-باسپانا» اقپاراتتىق جۇيەسىنىڭ جۇمىسى قالىپتاستىرىلدى.
بۇل جونىندە شىمكەنت قالاسىنىڭ تۇرعىن ءۇي جانە تۇرعىن ءۇي ينسپەكتسياسى باسقارماسىنىڭ باسشىسى عالىمجان تولەپوۆ اقپاراتتىق-كوممۋنيكاتسيالىق ورتالىقتا وتكەن بريفينگتە مالىمدەدى. سونداي-اق باسقارما باسشىسى كرەديتتىك تۇرعىن ءۇي باعىتتارىنىڭ ورىندالۋ بارىسى تۋرالى باياندادى.
ونىڭ ايتۋىنشا «2-10-20» تۇرعىن ءۇي باعىتى بويىنشا 224 وتباسى الەۋمەتتىك نەسيەلەندىرۋ شارتىمەن تۇرعىن ۇيمەن قامتىلعان. ونىڭ ىشىندە كوپبالالى وتباسىلار – 114, تولىق ەمەس وتباسىلار – 60, مۇگەدەك بالانى تاربيەلەۋشى وتباسى – 50. سونىمەن قاتار، «2-10-20» - «باقىتتى وتباسى» كرەديتتىك تۇرعىن ءۇي باعىتى بويىنشا باستاپقى جارناسىنىڭ ءبىر بولىگىنە الەۋمەتتىك كومەك رەتىندە قايتارىمسىز نەگىزدە جەرگىلىكتى بيۋدجەتتىڭ ەسەبىنەن بولىنگەن 100 ملن. تەڭگەگە 101 ازاماتقا تۇرعىن ءۇي سەرتيفيكاتتارى بەرىلدى.
ودان بولەك، 1 قازانداعى جاعدايعا سايكەس، «7-20-25» تۇرعىن ءۇي باعىتى بويىنشا 885 ازامات جاڭا پاتەردىڭ كىلتىن العان.
جىل سوڭىنا دەيىن «7-20-25»، «2-10-20» باعىتتارى بويىنشا 4 نەسيەلىك ءۇي، «5-20-25» باعىتى بويىنشا «قازاقستاننىڭ تۇرعىن ءۇي قۇرىلىس جيناق بانكى» اق ارقىلى جاو-دا كەزەكتە تۇرعاندارعا 16 نەسيەلىك ءۇي، «قازاقستاننىڭ تۇرعىن ءۇي قۇرىلىس جيناق بانكى» اق باعىتى بويىنشا بانك سالىمشىلارىنا (جاو-دا كەزەكتە تۇرعاندارعا – 50%، سالىمشىلارعا – 50%) 6 كرەديتتىك ءۇي پايدالانۋعا بەرىلەدى.
شىمكەنت قالاسى اكىمىنىڭ ءباسپاسوز قىزمەتى
