شىمكەنتتە جىل باسىنان بەرى 1 401 ادامعا ەلىمىزدەگى ءتۇرلى شيپاجايلارعا جولداما بەرىلدى. ونىڭ ىشىندە 1003 زەينەتكەر، 398 ادام مۇمكىندىگى شەكتەۋلى ازاماتتار.
بۇل تۋرالى شىمكەنت قالاسى جۇمىسپەن قامتۋ جانە الەۋمەتتىك قورعاۋ باسقارماسى حابارلادى.
سونداي-اق، مۇگەدەكتەرگە ارنايى جابدىقتالعان 18 «ينۆاتاكسي» كولىگىنە 400-دەن استام ءوتىنىم قابىلدانىپ، قازىرگى تاڭدا قىزمەت كورسەتىلۋدە. ال ۇلى وتان سوعىس ارداگەرلەرى مەن مۇگەدەكتەرىنە، ءجۇرىپ-تۇرۋى قيىن 1-2-ءشى توپتاعى مۇگەدەكتەرگە ەمدەۋ مەكەمەلەرىنە جانە قوعامدىق ورىندارعا بارۋ ءۇشىن ارنالعان 43 «الەۋمەتتىك تاكسي» اۆتوكولىگىنە 420 ءوتىنىم قابىلدانعان.
ونىمەن قوسا جىل باسىنان بەرى باسقارما تاراپىنان ۇيدە كۇتىم كورسەتۋ جاعدايىندا ارناۋلى الەۋمەتتىك قىزمەت كورسەتۋگە 52 جولداما بەرىلىپ وتىر. ودان وزگە، وسى كەزەڭدە مەديتسينالىق-الەۋمەتتىك مەكەمەلەردە ارناۋلى الەۋمەتتىك قىزمەت كورسەتۋ ءۇشىن 24 جولداما بەرىلگەن.
شىمكەنت قالاسى اكىمىنىڭ ءباسپاسوز قىزمەتى
