شىمكەنت قالاسىندا كسرو سپورت شەبەرى ۆلاديمير پوچيۆالوۆتى ەسكە الۋعا ارنالعان cتەند جانە وق اتۋدان ححIX حالىقارالىق ونلاين-ءتۋرنيرى باستالدى. تۋرنير 20-30 قازان ارالىعىندا وتەدى.
اشىلۋ راسىمىنە شىمكەنت قالاسى اكىمىنىڭ ورىنباسارى ماقسۇت يساحوۆ جانە الەمنىڭ ءتورت دۇركىن چەمپيونى، قازاقستاننىڭ ەڭبەك سىڭىرگەن سپورت شەبەرى يليا يلين جانە نۇر-سۇلتان، الماتى قالالارى مەن جامبىل، قاراعاندى، قىزىلوردا، ماڭعىستاۋ، پاۆلودار وبلىستارىنان كەلگەن 100-گە تارتا سپورتشى قاتىستى.
جارىستىڭ ماقساتى - ەلىمىزدە اتۋ سپورتىن دامىتۋ، سپورتشىلاردىڭ شەبەرلىگىن شىڭداۋ جانە ولاردىڭ رەيتينگىن انىقتاۋ، ولاردى رەسپۋبليكالىق جانە حالىقارالىق جارىستارعا دايىنداۋ، جاتتىقتىرۋشىلار مەن تورەشىلەردىڭ كاسىبي بىلىكتىلىگىن ارتتىرۋ.
ون كۇنگە سوزىلاتىن تۋرنير - cتەند اتۋ بويىنشا «SHYMKENT SHOOTING PLAZA» اشىق اتۋ الاڭىندا وتسە، وق اتۋ جارىسى شىمكەنت قالاسى جوعارى سپورت شەبەرلىگى مەكتەبى بازاسىنىڭ اتۋ تيرىندە بولادى.
قالاداعى اتۋ سپورتىنىڭ دامۋ تاريحىندا بۇل تۋرنير 29-شى رەت وتكىزىلىپ، ەلىمىزدىڭ تاۋەلسىزدىگىمەن قاتار قادام باسىپ كەلەدى. 2018 جىلدان بەرى تۋرنير ISSF سپورتتىق اتۋ تۇرلەرىنەن حالىقارالىق فەدەراتسياسىنىڭ كۇنتىزبەلىك جوسپارىنا ەنگىزىلگەن.
بۇل جارىسقا ونلاين تۇردە الەمنىڭ 20 ەلىنەن، اتاپ ايتقاندا يتاليا، ارمەنيا، گەرمانيا، يزرايل، بانگلادەش، بۋتان، كاتار، يران، ليۆان، كۋۆەيت، يندونەزيا، اقش، ءباا، رەسەي، بەلارۋس، ۋكراينا، تاجىكستان، قىرعىزستان، وزبەكستان، قازاقستاننان سپورتشىلار قاتىسۋدا.
وق اتۋ سپورت تۇرىنەن Sius Ascor, ستەند اتۋ سپورت تۇرىنەن Multi-Pull, Range Master باعدارلامالارىن قولدانىپ، ەلەكتروندىق قوندىرعىلاردا وتەدى.
سونداي-اق، تۋرنير بارىسىندا وليمپيادا ويىندارى مەن ازيا ويىندارى، ازيا چەمپيوناتتارى جانە «ازيا بالالارى» حالىقارالىق سپورتتىق ويىندارىنىڭ چەمپيوندارى مەن جۇلدەگەرلەرى ءوز شەبەرلىكتەرىن كورسەتەتىن بولادى.
ايتا كەتەيىك، شىمكەنتكە كەلگەن بارلىق سپورتشىلار، جاتتىقتىرۋشىلار مەن تورەشىلەردەن پتر سىناعىنىڭ تەرىس ناتيجەسى بار انىقتاما الىندى. سونىمەن قاتار، تۋرنير ءوتىپ جاتقان سپورت عيماراتتارىندا بارلىق سانيتارلىق نورمالار ساقتالعان.
شىمكەنت قالاسى اكىمىنىڭ ءباسپاسوز قىزمەتى
