Shymkent: Stend jáne oq atýdan HHIX halyqaralyq onlaın-týrnıri ótýde

1617
Adyrna.kz Telegram

Shymkent qalasynda KSRO sport sheberi Vladımır Pochıvalovty eske alýǵa arnalǵan ctend jáne oq atýdan HHIX Halyqaralyq onlaın-týrnıri bastaldy. Týrnır 20-30 qazan aralyǵynda ótedi.

Ashylý rásimine Shymkent qalasy ákiminiń orynbasary Maqsut Isahov jáne álemniń tórt dúrkin chempıony, Qazaqstannyń eńbek sińirgen sport sheberi Ilıa Ilın jáne Nur-Sultan, Almaty qalalary men Jambyl, Qaraǵandy, Qyzylorda, Mańǵystaý, Pavlodar oblystarynan kelgen 100-ge tarta sportshy qatysty.

Jarystyń maqsaty - elimizde atý sportyn damytý, sportshylardyń sheberligin shyńdaý jáne olardyń reıtıngin anyqtaý, olardy respýblıkalyq jáne halyqaralyq jarystarǵa daıyndaý, jattyqtyrýshylar men tóreshilerdiń kásibı biliktiligin arttyrý.

On kúnge sozylatyn týrnır - ctend atý boıynsha «SHYMKENT SHOOTING PLAZA» ashyq atý alańynda ótse, oq atý jarysy Shymkent qalasy Joǵary sport sheberligi mektebi bazasynyń atý tırinde bolady.

Qaladaǵy atý sportynyń damý tarıhynda bul týrnır 29-shy ret ótkizilip, elimizdiń táýelsizdigimen qatar qadam basyp keledi. 2018 jyldan beri týrnır ISSF Sporttyq atý túrlerinen Halyqaralyq Federaııasynyń kúntizbelik josparyna engizilgen.

Bul jarysqa onlaın túrde álemniń 20 elinen, atap aıtqanda Italııa, Armenııa, Germanııa, Izraıl, Bangladesh, Býtan, Katar, Iran, Lıvan, Kýveıt, Indonezııa, AQSh, BAÁ, Reseı, Belarýs, Ýkraına, Tájikstan, Qyrǵyzstan, Ózbekstan, Qazaqstannan sportshylar qatysýda.

Oq atý sport túrinen Sius Ascor, stend atý sport túrinen Multi-Pull, Range Master baǵdarlamalaryn qoldanyp, elektrondyq qondyrǵylarda ótedi.

Sondaı-aq, týrnır barysynda Olımpıada oıyndary men Azııa oıyndary, Azııa Chempıonattary jáne «Azııa balalary» halyqaralyq sporttyq oıyndarynyń chempıondary men júldegerleri óz sheberlikterin kórsetetin bolady.

Aıta keteıik, Shymkentke kelgen barlyq sportshylar, jattyqtyrýshylar men tóreshilerden PTR synaǵynyń teris nátıjesi bar anyqtama alyndy. Sonymen qatar, týrnır ótip jatqan sport ǵımarattarynda barlyq sanıtarlyq normalar saqtalǵan.

Shymkent qalasy ákiminiń baspasóz qyzmeti

Pikirler