قىتاي كوممۋنيستىك بيلىگى ميلليونداعان مۇسىلمان حالىقتارىن، اتاپ ايتقاندا قازاق، ۇيعىر،قىرعىز، ت.ب از ۇلتتاردىڭ سەنىمىن قورلاپ،ادامي قۇقىقىن اياق استى ەتىپ، يسلام ءدىنىنىڭ قاينار كوزى بولعان قۇراندى اجەتحاناعا تاستاپ ياكي ورتەپ،ودان قالسا ءمىناجات ەتەتىن مەشىتتەردى جاپپاي قيراتتى.
سول كەزدە ءبىر ءاۋ دەمەگەن شەشەنستان پرەزيدەنتى رامزان قادىروۆ پەن ەرەجەسىز جەكپە-جەك، ياعني UFC سپورتىنىڭ الەم چەمپيونى حابيب نۇرماعامبەتوۆتىڭ پروگرەسسيۆتى فرانتسيا مەملەكەتىنىڭ باسشىسى ەممانيۋل ماكروننىڭ جەكە باسىنا ءماجىلىس دەپۋتاتى "بەكبولات تىلەۋحان" سياقتى قارعىس جاۋدىرىپ،ءتىل تيگىزگەنى مەنىڭشە تاڭعالارلىق وقيعا بولىپ تۇر؟!.مەن قىتايداعى ەتنوتسيد پەن گەنوتسيد تۋرالى تمد جانە ورتا ازيا اۋماعىنداعى مۇفتيلەر كەڭەسى مەن رامزان قادىروۆتىڭ قحر بيلىگىنە توقتاۋ ايتىپ، ميلليونداعان تۇركى باۋىرلارىمىزعا اراشا ءتۇسۋى تۋرالى شەشەنستان پرەزيدەنتىنىڭ اكىمشىلىگىنە ءبىر جىل بۇرىن رەسمي تۇردە ءوتىنىش حات جىبەرگەم.سودان ەش جاۋاپ بولعان جوق،بىراق كەرىسىنشە مىنا كەشەگى فرانتسياداعى مۇحامەد پايعامباردىڭ كاريكاتۋراسىنا بايلانىستى ءبارى ىزالانىپ (مۇسىلماندار) ورە تۇرەگەلدى.
مۇسىلمانداردىڭ (سانى شامامەن دۇنيە جۇزىندە ءبىر جارىم ميلليارد) ىزا مەن اشۋعا بۋلىققان ەموتسيالىق نارازىلىعىن (پارادوكس) قالاي تۇسىنۋگە بولادى؟ الدە "مۇسىلمان ەلدەرىنىڭ باسشىلارى مەن ولاردىڭ ارتىنان ەرگەن توپ" دەنە مۇشەلەرىن قارا نارىقتا وڭدى-سولدى ساتىپ، بەيكۇنا قىزداردى زورلاپ، قانداستارىمىزدى جاپپاي قىتايلاندىرۋعا جول بەرگەن قىتايدىڭ قاندىقول باسشىسى سي تسزينپينگە رۋحتارى (دۋحتارى) جەتپەي مە؟ نەمەسە سول سيريا،ليۆيا سياقتى قىرعي-قاباق سوعىستان كوز اشپاعان،ياعني تاياۋ شىعىستاعى كەدەي - بەيشارا بوسقىن مۇسىلمانداردى قۇشاق جايىپ قارسى الىپ،الەۋمەتتىك جاعداي جاساعان دەموكراتيالىق فرانتسيا بيلىگىنە عانا الدەرى كەلە مە؟ سۇراق كوپ،جاۋاپ جوق....
تۇراربەك قۇسايىننىڭ جازباسىنان.
فوتو اشىق دەرەككوزدەن الىندى.
