بايسەركە اۋىلىنداعى دەمالىس ورىندارىنىڭ بىرىندە اتىس بولدى دەپ حابارلايدى «ادىرنا» ۇلتتىق پورتالى Baq.kz-كە سىلتەمە جاساپ.
جەلىدە دەماىس ورنىنداعى اتىس جايلى ۆيدەو تارادى. ۆيدەودان كادر سىرتىندا ەر ادام پوليتسياعا قوڭىراۋ شالىپ، بايسەركەدەگى دەمالىس ورنىندا اتىس بولىپ جاتقانىن حابارلاپ جاتىر. ەكىنشى ەر ادامنىڭ جالجالداسىپ جاتقان قارسىلاستارىن سابىرعا شاقىرىپ، مۇندا بارلىعى بالامەن جۇرگەنىن ايتىپ جاتقانىن كورۋگە بولادى.
الماتى وبلىسى پوليتسيا دەپارتامەنتى اتالعان وقيعانىڭ 31 قازان كۇنى ساعات 16.00 شاماسىندا بولعانىن حابارلادى.
بۇل وقيعا الماتى وبلىسى ىلە اۋدانى بايسەركە اۋىلىنداعى دەمالىس ورىنداردىڭ بىرىندە بولعان. پوليتسياعا سوندا دەمالۋشىلاردىڭ بىرىنە بەلگىسىز ادامدار قارۋلى شابۋىل جاساپ، ومىرىنە قاۋىپ توندىرگەنى تۋرالى اقپارات ءتۇستى. قازىر وسى دەرەك بويىنشا سوتقا دەيىنگى تەرگەۋ امالدارى جۇرگىزىلىپ جاتىر. سونداي-اق كۇدىكتىلەردى ۇستاۋ بويىنشا كەشەندى جەدەل-ىزدەستىرۋ جۇمىستارى جۇرگىزىلىپ جاتىر، - دەدى الماتى وبلىسى پد-ءنىڭ ءباسپاسوز قىزمەتى.
وق ءتيىپ جاراقات العان ەكى ادام الماتى قالاسىنداعى №4 كلينيكالىق اۋرۋحاناسىنا جەتكىزىلگەن. ەكەۋى دە ءپروفيلدى بولىمشەگە جاتقىزىلعان جانە مەديتسينالىق كومەك كورسەتىلۋدە. جاعدايلارى ورتاشا اۋىر.
