قوستاناي وبلىسى رۋدنىي قالاسىنىڭ اكىمى قۋاندىق يسپەرگەنوۆ Instagram جەلىسىندەگى رەسمي پاراقشاسىندا قانشا جالاقى الاتىنىن ايتتى، دەپ حابارلايدى «ادىرنا» ۇلتتىق پورتالى.
«كوپتەگەن ادامدار مەنىڭ جالاقىم مەن وتباسىمنىڭ تۇرعىلىقتى جەرىنە قىزىعۋشىلىق تانىتادى. بۇعان دەيىن حابارلاعانىمداي، ءوز وتباسىمدى رۋدنىي قالاسىنا كوشىردىم جانە ءبىز 20-شى شاعىن اۋداندا تۇرامىز. مەنىڭ جالاقىم مىندەتتى اۋدارىمداردان كەيىن 390 مىڭ تەڭگەدەن ءسال اسادى»,-دەپ جازدى ول.
سونداي-اق، اكىم ءتارتىپ پەن تازالىق مادەنيەتى تۋرالى دا وي قوزعادى.
«كوپ پاتەرلى ۇيدە تۇرعاندىقتان، قوقىس پوليگوندارى تۋرالى بىلەمىن. تاڭەرتەڭ جانە كەشكە ماعان جاقىن ماڭداعى اۋلالاردى ارالاپ ءجۇرىپ، قوقىس جاشىكتەرىنىڭ بوس ەكەنىنە، ال وعان جاقىن جەردە قوقىس ۇيىندىلەرى جاتقانىنا تاڭ قالامىن. ارينە، كەز كەلگەن مەكەمەنى كىنالاۋ وڭاي، بىراق تازالىقتى ءار تۇرعىن وزىنەن جانە وتباسىنان باستاۋى كەرەك دەپ ويلايمىن. ەگەر بالالار قوقىستاردى كونتەينەرگە جەتكىزبەسە، وندا ءسىز ونى ۇيدە ۇيرەتىڭىز. تازالىق قوقىستان تازالانعان جەردە ەمەس، قوقىس تاستالماعان جەردە»,-دەپ ءسوزىن قورىتىندىلادى يسپەرگەنوۆ.
«ادىرنا» ۇلتتىق پورتالى
