بۇگىن، 31 قازان الماتى قالاسى ت. شەۆچەنكو كوشەسىنىڭ بويىنداعى ش. ءۋاليحانوۆتىڭ ەسكەرتكىشىنىڭ الدىندا رۇقسات ەتىلگەن ميتينگ ءوتىپ جاتىر، - دەپ حابارلايدى «ادىرنا» ۇلتتىق پورتالى.
ساعات 12.00-دە باستالعان ميتينگىگە جينالعان جۇرتتىڭ قاراسى كوپ. ميتينگىنى ۇيىمداستىرۋشىلار – قۇقىق قورعاۋشىلار باقىتجان تورەعوجينا جانە عالىم اعەلەۋوۆ.
ميتينگ وتكىزۋشىلەردىڭ تالابى – ازاماتتاردىڭ قۇقىقتارى مەن بوستاندىقتارىن شەكتەمەۋ، ازاماتتاردىڭ ساياسي كوزقاراسىنا قىسىم كورسەتپەۋ، ساياسي تۇتقىنداردى بوساتۋ، ساياسي رەفورمالار جاساۋ، دەموكراتيالىق قوعام قۇرۋ.
ميتينگىگە دەيىن بىرقاتار بەلسەندىلەر ۇستالىپ، بىرنەشە تاۋلىككە قامالدى دەگەن اقپارات تارادى.
اكىمدىك ميتينگى وتكىزۋگە ەكى رەت قارسى بولىپ، تەك ۇشىنشىسىندە رۇقسات بەرگەن.
فوتو باقىتجان تورەعوجينانىڭ Facebook پاراقشاسىنان الىندى
«ادىرنا» ۇلتتىق پورتالى
