ەكس-دەنساۋلىق ساقتاۋ ءمينيسترى ەلجان ءبىرتانوۆ ۇستالدى

10326
Adyrna.kz Telegram

سەنبى، 31 قازاندا قازاقستاندىق مەسسەندجەرلەردە بۇرىنعى دەنساۋلىق ساقتاۋ ءمينيسترىنىڭ ۇستالعانى تۋرالى اقپارات تارالا باستادى، - دەپ حابارلايدى «ادىرنا» ۇلتتىق پورتالى Ratel.kz-كە سىلتەمە جاساپ.

جەدەل اقپارات ءماتىنىنىڭ فوتوسۋرەتى بار حابارلامادا ايتىلعانداي، ەكس-مينيستر اقپاراتتاندىرۋ پلاتفورماسىن ساتىپ الۋعا قاراجات ۇرلادى دەگەن كۇدىككە ىلىنگەن.

30 قازان، جۇما كۇنى قازاقستان رەسپۋبليكاسى قارجى مينيسترلىگى قارجى مونيتورينگى كوميتەتىنىڭ تەرگەۋ دەپارتامەنتىنىڭ قىزمەتكەرلەرى نۇر-سۇلتان قالاسى بويىنشا پوليتسيا دەپارتامەنتىنىڭ تەرگەۋ يزولياتورىنا بۇرىنعى دەنساۋلىق ساقتاۋ ءمينيسترى ەلجان ءبىرتانوۆ قامالعان.

Ratel.kz حابارلاعانداي، ول 189-باپتىڭ 4-بولىگىنىڭ 2-تارماعى – بيۋدجەت قاراجاتىن جىمقىرۋ بويىنشا قىلمىستىق قۇقىق بۇزۋشىلىق جاسادى دەپ كۇدىكتەلۋدە. اتاپ ايتقاندا، دەنساۋلىق ساقتاۋدىڭ اقپاراتتىق جۇيەلەرىن اقپاراتتاندىرۋ جانە ءوزارا ارەكەتتەسۋ الاڭىن ساتىپ الۋعا 526 ملن.تەڭگە كولەمىندە قاراجاتتى جوق قىلعان.

ەستەرىڭىزگە سالا كەتەيىك ەلجان ءبىرتانوۆ دەنساۋلىق ساقتاۋ ءمينيسترى لاۋازىمىنا 2019 جىلدىڭ اقپان ايىندا تاعايىندالعان.

بۇل پوزيتسيادا ول كوپتەگەن جانجالدارمەن بىرگە جۇرەتىن كوروناۆيرۋس پاندەمياسىنىڭ العاشقى سوققىسىن الۋعا ءماجبۇر بولدى.

2020 جىلى 14 ماۋسىمدا ءبىرتانوۆتىڭ ءوزى كوروناۆيرۋستى جۇقتىرعانى انىقتالدى.

25 ماۋسىمدا قازاقستان پرەزيدەنتى قاسىم-جومارت توقاەۆ ءبىرتانوۆتى دەنساۋلىق ساقتاۋ مينيسترلىگىنىڭ باسشىسى قىزمەتىنەن بوساتىپ، ونىڭ ورنىنا الەكسەي تسويدى تاعايىندادى.

فوتو اشىق دەرەككوزدەن الىندى

«ادىرنا» ۇلتتىق پورتالى

پىكىرلەر