ەردوعان "Hedef 2053" باعىتىن جاريالايتىنىن حابارلادى. ماقسات تۇركيانى قارا تەڭىز، اق تەڭىز، كاۆكاز، بالكان، افريكا وڭىرىندە ايماقتىق دەرجاۆاعا اينالدىرۋ. جالپى تۇركيادا ءبىر پارتيا 2053 جىلعا دەيىن وتىرمايتىنى انىق. قوعام باسقا. ەرتە مە، كەش پە "اق پارتيا" بيلىكتەن كەتەدى.
بۇل ساياسي رەاليزم. بىراق قارتايىپ كەلە جاتقان ەردوعان نەگە الداعى 30 جىلعا جوسپار قۇرۋدا؟.. وعان قالاي جەتەدى؟
سوڭعى جەرگىلىكتى سايلاۋدا "اق پارتيا" ستامبۋلدان ايرىلدى. كوپ جەردە جەڭىلدى. ارتىنشا ەردوعاننىڭ ۇزەڭگىلەستەرى بۇرىنعى ەكونوميكا ءمينيسترى الي باباجان "Deva" (دەموكراتيا جانە پروگرەسس) پارتياسىن قۇردى. بۇرىن ەردوعان كابينەتىندە سىرتقى ىستەر ءمينيسترى بولعان احمەت داۆۋتوگلۋ "كەلەشەك" پارتياسىن اشتى. ەكەۋى دە ەردوعانعا رەنجىپ نەمەسە رەنجىگەندەي سىڭاي تانىتىپ كەتتى. كوپ ازاماتتار ەردوعان ساياسي ۇپاي جوعالتۋدا دەگەن وي-پىكىردە. مەنىڭشە ويىننىڭ ىشىندە تاعى ءبىر ساياسي ويىن بار.
"اق پارتيا" 20 جىلعا جۋىق ۋاقىت بيلىكتە. ەل شارشادى. داۋىس جوعالتۋدا. اتاتۇرىك قۇرعان وپپوزيتسيالىق سنر مەن تاريحى تەرەڭدەگى منر پارتياسىن جاۋىپ، قۋدالاي المايدى. قوعام باسقا. ديكتاتور دەپ كوتەرىلىپ بيلىكتەن الىپ تاستاۋى مۇمكىن. ەردوعاننىڭ جاسى دا كەلىپ قالدى. بىراق تۇركيانى ايماقتىق دەرجاۆاعا اينالدىرۋ ءىسى، ەردوعان باستاعان جول جالعاسۋى ءتيىس. كۇنى كەلىپ "اق پارتيا" بيلىكتەن كەتسە "Deva" نەمەسە "كەلەشەك" پارتياسى بيلىككە كەلىپ، ەردوعان باستاعان ءىستى جالعاستىراتىن ساياسي جۇيەنىڭ، پارتيانىڭ فۋندامەنتى قازىر قالانىپ جاتقانداي. مىسالى، 2030 جىلى ەردوعان مەن "اق پارتيا" كەتتى. بىراق ونىڭ ەسكى ۇزەڭگىلەستەرى الي باباجان مەن احمەت داۆۋتوگلى ەكى پارتياسىن بىرىكتىرىپ، بيلىككە كەلىپ ءىستى جالعاستىرا بەرەدى. حالىقتىڭ كوزىندە بيلىك اۋىستى ما؟ ارينە اۋىستى. سولاي 2053-كە جەتەدى. قازىر ەكى پارتيا دا اكەسىن تانىتىپ ەردوعاندى سىناۋعا كوشتى. دۇرىس. ماقساتتارى ايقىن. ادەمى كەلە جاتىر.
جالپى ساياساتتىڭ زاڭى باسقا. ەلدىڭ اقىلدى ازاماتتارى جۇرگىزسە ۇزاققا بارادى. مەملەكەت داميدى. ءبىزدىڭ كۇندەلىكتى ومىردەگى ايتىپ جۇرگەن ادىلدىك ۇعىمىنىڭ ساياساتتا مۇلدە باسقا، مەملەكەتتىك مۇددە تۇرعىسىنان قارايتىن ءوز ولشەمى بار. قالىپتى جاعداي. بارلىق ەلدە سولاي. بۇلاي جاساماسا، مەملەكەت ءسال السىرەسە فرانتسيادان باستاپ كوپ ەلدەر تۇركيانى ءتۇتىپ جەۋگە دايىن وتىر. 600 جىلدىق يمپەريا قۇرعان تۇركيا ەليتاسى دا مۇنى جاقسى بىلەدى. ساباقتاستىق ءۇشىن ءتيىستى شارالارىن دا جاسايدى.
باۋىرجان سەرىكباەۆتىڭ, Facebook پاراقشاسىنان الىندى.
