Erdoǵan "Hedef 2053" baǵytyn jarııalaıtynyn habarlady. Maqsat Túrkııany Qara teńiz, Aq teńiz, Kavkaz, Balkan, Afrıka óńirinde aımaqtyq derjavaǵa aınaldyrý. Jalpy Túrkııada bir partııa 2053 jylǵa deıin otyrmaıtyny anyq. Qoǵam basqa. Erte me, kesh pe "Aq partııa" bılikten ketedi.
Bul saıası realızm. Biraq qartaıyp kele jatqan Erdoǵan nege aldaǵy 30 jylǵa jospar qurýda?.. Oǵan qalaı jetedi?
Sońǵy jergilikti saılaýda "Aq partııa" Stambýldan aıryldy. Kóp jerde jeńildi. Artynsha Erdoǵannyń úzeńgilesteri burynǵy ekonomıka mınıstri Alı Babajan "Deva" (Demokratııa jáne progress) partııasyn qurdy. Buryn Erdoǵan kabınetinde Syrtqy ister mınıstri bolǵan Ahmet Davýtoglý "Keleshek" partııasyn ashty. Ekeýi de Erdoǵanǵa renjip nemese renjigendeı syńaı tanytyp ketti. Kóp azamattar Erdoǵan saıası upaı joǵaltýda degen oı-pikirde. Menińshe oıynnyń ishinde taǵy bir saıası oıyn bar.
"Aq partııa" 20 jylǵa jýyq ýaqyt bılikte. El sharshady. Daýys joǵaltýda. Atatúrik qurǵan oppozıııalyq SNR men tarıhy tereńdegi MNR partııasyn jaýyp, qýdalaı almaıdy. Qoǵam basqa. Dıktator dep kóterilip bılikten alyp tastaýy múmkin. Erdoǵannyń jasy da kelip qaldy. Biraq Túrkııany aımaqtyq derjavaǵa aınaldyrý isi, Erdoǵan bastaǵan jol jalǵasýy tıis. Kúni kelip "Aq partııa" bılikten ketse "Deva" nemese "Keleshek" partııasy bılikke kelip, Erdoǵan bastaǵan isti jalǵastyratyn saıası júıeniń, partııanyń fýndamenti qazir qalanyp jatqandaı. Mysaly, 2030 jyly Erdoǵan men "Aq partııa" ketti. Biraq onyń eski úzeńgilesteri Alı Babajan men Ahmet Davýtogly eki partııasyn biriktirip, bılikke kelip isti jalǵastyra beredi. Halyqtyń kózinde bılik aýysty ma? Árıne aýysty. Solaı 2053-ke jetedi. Qazir eki partııa da ákesin tanytyp Erdoǵandy synaýǵa kóshti. Durys. Maqsattary aıqyn. Ádemi kele jatyr.
Jalpy saıasattyń zańy basqa. Eldiń aqyldy azamattary júrgizse uzaqqa barady. Memleket damıdy. Bizdiń kúndelikti ómirdegi aıtyp júrgen ádildik uǵymynyń saıasatta múlde basqa, memlekettik múdde turǵysynan qaraıtyn óz ólshemi bar. Qalypty jaǵdaı. Barlyq elde solaı. Bulaı jasamasa, memleket sál álsirese Franııadan bastap kóp elder Túrkııany tútip jeýge daıyn otyr. 600 jyldyq ımperııa qurǵan Túrkııa elıtasy da muny jaqsy biledi. Sabaqtastyq úshin tıisti sharalaryn da jasaıdy.
Baýyrjan SERIKBAEVTYŃ, Facebook paraqshasynan alyndy.
