مەملەكەتتىك قىزمەتكەردە كوروناۆيرۋسقا پتر-تەست تاپرسىعانى تۋرالى انىقتاما بولماعان.
"23 قازانعا قاراعان ءتۇنى شارم-ەل-شەيحتەن پتر تاپرسىعاندىعى تۋرالى انىقتاماسىز كەلگەن نۇر-سۇلتاننىڭ ەكى تۇرعىنى پتر تالداۋىن تاپسىرۋ ءۇشىن كارانتيندىك شارالارعا ارنالعان ارنايى اۆتوبۋسقا وتىرعان كەزدە اۋەجايدان قاشىپ كەتكەن.
اتالعان تۇلعالار ەرلى-زايىپتىلار بولىپ تابىلادى. ولاردىڭ ءبىرى – يندۋستريا جانە ينفراقۇرىلىمدىق دامۋ مينيسترلىگىنىڭ مەملەكەتتىك قىزمەتكەرى", - دەدى كولىكتەگى باس مەملەكەتتىك سانيتارلىق دارىگەر سادۋاقاس بايعابىلوۆ.
كولىك پوليتسياسىنىڭ قىزمەتكەرلەرى اتالعان ادامداردىڭ ورنالاسقان جەرىن انىقتاپ، كارانتيندىك ستاتسيونارعا جەتكىزگەن.
قاشىپ كەتكەندەرگە 30 اەك (83 340 تەڭگە) كولەمىندە ايىپپۇل سالىنادى.
ال مينيسترلىك بولسا ءوز قىزمەتكەرىن تارتىپتىك جاۋاپكەرشىلىككە تارتۋعا ۋادە بەردى.
"ارينە، ءبىز بۇل قىزمەتكەردىڭ ارەكەتىن ايىپتايمىز. ءبىز بارلىق تالداۋلاردان ءوتۋ كەرەك دەپ سانايمىز. وسىعان بايلانىستى قىزمەتتىك تەكسەرۋ باستالدى. كارانتيننەن قاشۋعا تىرىسقان مەملەكەتتىك قىزمەتشى مينيسترلىكتە ءبىر جىلدان بەرى جۇمىس ىستەيدى", – دەدى ۆەدومستۆونىڭ ءباسپاسوز حاتشىسى ماديار ۋاقپاەۆ.
“ادىرنا” ۇلتتىق پورتالى
