ب.ساعىنتاەۆ: «باقىتتى وتباسى» كوپبالالى انالاردىڭ ىسكەرلىك بەلسەندىلىگىنىڭ ورتالىعىنا اينالۋدا

2417
Adyrna.kz Telegram
الماتى قالاسىنىڭ اكىمى باقىتجان ساعىنتاەۆ ومىرلىك قيىن جاعدايعا تاپ بولعان ايەلدەردى الەۋمەتتىك قولداۋ ورتالىقتارىنىڭ وزگەرتەتىنى تۋرالى ايتتى.
قالا اكىمى باقىتجان ساعىنتاەۆ Instagram-داعى ءوزىنىڭ رەسمي پاراقشاسىندا وتكەن جىلى ءار اۋداندا «باقىتتى وتباسى» الەۋمەتتىك قولداۋ ورتالىقتارىن اشۋ باستى ماقسات بولعانىن ەسكە سالدى. مۇندا ايەلدەر اراسىنداعى كاسىپكەرلىكتى دامىتۋعا باسا نازار اۋدارىلدى. ءىس جۇزىندە ولار كوپبالالى انالارعا ارنالعان ىسكەرلىك بەلسەندىلىكتىڭ ورتالىعىنا اينالۋى ءتيىس بولدى.
«Isker Ana باعدارلاماسى بويىنشا بيزنەس داعدىلارىنا ۇيرەتۋدى باستاپ، يننوۆاتسيالىق جوبالاردى ىسكە قوسۋ ءۇشىن گرانتتار ۇسىندىق. اقمارال باسيروۆا قۇرعان الاتاۋ اۋدانىنىڭ „باقىتتى وتباسى“ ورتالىعى ءبىر جىلدىڭ ىشىندە الماتىنىڭ وزگە اۋداندارى ءۇشىن عانا ەمەس، ەلىمىزدىڭ باسقا وڭىرلەرى ءۇشىن دە ۇلگى بولا ءبىلدى»، — دەپ جازدى ب. ساعىنتاەۆ.
ونىڭ ايتۋى بويىنشا مۇندا ايەلدەرگە تەك كەڭەس بەرىلىپ قانا قويمايدى. قيىن جاعدايعا تاپ بولعان ايەلدەردىڭ وزدەرىنە قايتا سەنۋىنە، وزدەرىنە ۇنايتىن نارسەنى تاڭداپ، ءومىر سالتىن تولىعىمەن وزگەرتۋلەرىنە كومەكتەسەدى. انالار ءوز مىسالىندا بالالارعا ءوز ەڭبەگىمەن اقشا تابۋعا بولاتىنىن كورسەتەدى. كۇن سايىن مۇندا 150-گە جۋىق ايەل كەلەدى. ءبىر جىلدىڭ ىشىندە 25 مىڭ ايەل ازاماتى 31 باعىت بويىنشا ءتۇرلى كۋرستاردا ءبىلىم الدى.
الماتى اكىمى ءبىر جىل بۇرىن ورتالىققا باپكەر رەتىندە كەلگەن ءمولدىر جۇنىسبەكوۆانىڭ ءومىرىن مىسالعا كەلتىردى. ول 500-گە جۋىق ايەلدى وقىتسا، سونىڭ 200-ءى بۇگىن جۇمىس تاپتى. ءتىپتى ول جاڭا جۇمىس ورىندارىن قۇرۋدا. «بجك-2025» بويىنشا 2,5 ملن تگ كولەمىندە گرانتقا يە بولعان ءمولدىر 10 ايەل ەڭبەك ەتە الاتىن تىگىن تسەحىنا ارنالعان جابدىقتى ساتىپ الدى.
«ساتتىلىك سەرىگىڭىز بولسىن! جاقسىلىققا سەنىڭىز! ءبىزدىڭ تاراپىمىزدان ءاردايىم قولداۋ مەن كومەك بولادى»، — دەپ قولداۋ كورسەتتى ب. ساعىنتاەۆ.
اعىمداعى جىلدىڭ باسىنان بەرى الاتاۋ اۋدانىنىڭ «باقىتتى وتباسى» ورتالىعىندا 27 مىڭ ايەلگە «ىسكەر انا» باعدارلاماسى بويىنشا اقپاراتتىق-كونسۋلتاتسيالىق-رەسۋرستىق قولداۋ كورسەتىلدى. ترەنينگتەر مەن كۋرستاردا 25 مىڭ ادام وقىدى.
سونىمەن قاتار، «بيزنەس باستاۋ» باعدارلاماسى بويىنشا 537 ايەل بىلىمدەرىن جەتىلدىردى، ولاردىڭ 300-ءى گرانت الىپ، كيىم جوندەۋ، كونديتەر، شاشتاراز، مانيكيۋر سالوندارىن اشتى، بالالاردىڭ دامۋ كىتاپتارىن جاساپ، اۆتوكولىك مۇقابالارىن تىگىپ جانە باسقا دا سالالار بويىنشا وزدەرىنىڭ كاسىپتەرىن باستادى.
ەكى ايەل «بيزنەستىڭ جول كارتاسى-2025» اياسىندا يننوۆاتسيالىق جوبالاردى ىسكە اسىرۋعا 2-دەن 5 ملن تگ دەيىن مەملەكەتتىك گرانت الدى. ءوندىرىس شەبەرحانالارىن اشۋ ءۇشىن الاڭدار بەرىلىپ، ال ونىمدەرىن ساتۋ ءۇشىن بازارلاردان 50-گە جۋىق ورىن بولىنگەن.
"ادىرنا" ۇلتتىق پورتالى
پىكىرلەر