پەتروپاۆل قالاسىنىڭ 58 جاسار تۇرعىنى مەديتسينا قىزمەتكەرلەرىن گراناتامەن قورقىتىپ، №4 قالالىق ەمحانانىڭ جۇمىسىن توقتاتىپ قويدى، دەپ حابارلايدى «ادىرنا» ۇلتتىق پورتالى سولتۇستىك قازاقستان وبلىسى پوليتسيا دەپارتامەنتى ءباسپاسوز قىزمەتىنە سىلتەمە جاساپ.
وقيعا ورنىنا پوليتسەيلەر شۇعىل جەتكەن.
«102 ارناسىنا ساعات 9.10-دە قوڭىراۋ ءتۇستى. وقيعا ورنىنا بارلىق قىزمەتتەر جىبەرىلدى. №4 ەمحانادان مەديتسينا قىزمەتكەرى مەن 100-دەن اسا ەمدەلۋشىلەر شىعارىلدى»، - دەدى سقو پوليتسيا دەپارتامەنتى باستىعىنىڭ ورىنباسارى ەڭبەك سەمبين.
جارعىشتەحنيك-ماماندارى وق-ءدارىنى الىپ، قاۋىپتى جارىلعىش زاتتاردى تاسىمالداۋعا ارنالعان كونتەينەرگە ورنالاستىردى. ەر ادام ۇستالىپ، پەتروپاۆل ق. پب ءبىرىنشى پوليتسيا بولىمىنە جەتكىزىلگەن.
اتالعان فاكتى قر قك 287-بابى 3-بولىگى «قارۋدى، وق-دارىلەردى، جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ» بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى.
سقو پد جارعىشتەحنيك-ماماندارىنىڭ الدىن-الا جۇرگىزگەن تەكسەرىسىنە سايكەس، ف-1 گراناسىندا تۇتاندىرعىش بولعان جوق، بۇل ونىڭ جارىلۋ قاۋپىن توندىرمەيتىنىن كورسەتەدى.
«ادىرنا» ۇلتتىق پورتالى
