قازاقستاندا وپپوزيتسيالىق كۇش پايدا بولدى

6530
Adyrna.kz Telegram

بۇگىن الماتى قالاسىندا ەلدىڭ كوپتەن كۇتكەن تىلەگى ورىندالدى دەپ جازادى «ادىرنا» ۇلتتىق پورتالى  قوعام بەلسەندىسى بەسجان كۇمىسبەكتەگىنىڭ جازباسىنا سىلتەمە جاساپ.

وپپوزيتسيالىق، دەموكراتيالىق كۇشتەردى،بەلسەندىلەردى،بيلىككە نارازى توپتاردى بىرىكتىرۋدىڭ نەگىزى قالاندى. "ەل بىرلىگى" قوزعالىسى قۇرىلدى. ونلاين جۇيەسىندە وتكەن جيىنعا استانادان، اتىراۋدان، ورالدان، سەمەيدەن، قاراعاندىدان كۇرەس جولىندا جۇرگەن ازاماتتار قاتىستى. بەلگىلى قوعام قايراتكەرلەرى، جەلتوقساندىقتار، زاڭگەرلەر، باقىلاۋشىلار، ازاماتتىق بەلسەندىلەر الداعى سايلاۋلارعا قاتىستى ءوز ۇستانىمدارىن ايقىندادى. ولار سايلاۋعا، پارتيالارعا، ميتينگىلەرگە قاتىستى زاڭداردى وزگەرتپەسە، سايلاۋعا حالىقتىڭ قارسى بولاتىندىعىن، ءماجىلىس پەن ءماسليحاتتىڭ سايلاۋلارى لەگيتيمدى بولمايتىندىعىن مالىمدەدى.

بالتاش تۇرسىنباەۆ، رىسبەك سارسەنبايۇلى، گۇلجان ەرعاليەۆا، ەرمۇرات باپي، ەسەنعازى قۋاندىق، مارجان اسپاندياروۆا سياقتى تاجىريبەلى، ەلگە تانىمال بيلىكتىڭ قارسىلاستارى قاتارىنا جاڭا تولقىن قوسىلدى. بۇل باستاما جالعاسىن تاۋىپ، قوزعالىسقا ىشتەگى، سىرتتاعى تۇلعالار مەن توپتار شوعىرلانسا، وزگەرىستىڭ دە اۋىلى قاشىق بولماس. بۇل قوزعالىستى زيالى قاۋىم دا قولداپ وتىر. عابباس قابىشۇلى، سوفى سماتاي، تەمىرحان مەدەتبەك سىندى كوپتەگەن قالامگەرلەر ەلدى بىرلىككە باستايتىن قوزعالىسقا ءسات ساپار تىلەدى.

پىكىرلەر