وقۋ جىلىنىڭ ەكىنشى توقسانىندا مەكتەپتە وقىتۋ فورماتتارى بويىنشا الدىن الا ەسەپتەۋلەر جۇرگىزىلدى، دەپ حابارلايدى "ادىرنا" ءتىلشىسى.
ءبىلىم جانە عىلىم مينيسترلىگىنىڭ Telegram - دا جاريالاعان مالىمەتىنشە، قازىرگى كەزدە قازاقستاندىق مەكتەپتەردە 3,4 ملن بالا وقيدى: قاشىقتان وقىتۋ فورماتىندا – 2,4 ملن، ءداستۇرلى فورماتتا – 953 مىڭ، 647 مىڭ بالا كەزەكشى سىنىپتاردا (1-4 سىنىپ), شاعىن جيناقتى 3047 مەكتەپتە 306 مىڭ وقۋشى ءبىلىم الىپ جاتىر.
ەكىنشى توقساندا وقۋ فورماتتارى بويىنشا بالالاردىڭ بولجامدى سانى: قاشىقتان وقىتۋ فورماتىندا – 2,2 ملن، ءداستۇرلى فورماتتا – 1,2 ملن، ونىڭ ىشىندە 800 مىڭنان استام بالا كەزەكشى سىنىپتاردا (1-5 سىنىپ), شاعىن جيناقتى 4010 مەكتەپتە 434 مىڭ وقۋشى، 13 حالىقارالىق مەكتەپتە 3 مىڭعا جۋىق وقۋشى (1-7 سىنىپ) ءبىلىم الاتىن بولادى.
ەستەرىڭىزگە سالا كەتسەك، ءتيىستى شەشىم ۆەدموستۆوارالىق كوميسسيانىڭ وتىرىسىندا قابىلدانعان بولاتىن.
"ادىرنا" ۇلتتىق پورتالى
