"باسپانا حيت" يپوتەكالىق نەسيەلەۋ باعدارلاماسىنا وزگەرىس ەنگىزىلدى. ەندى باعدارلاماعا ۇلەستىك قۇرىلىس كىرەدى، سالىنىپ جاتقان تۇرعىن ءۇيدى ساتىپ الۋعا رۇقسات ەتىلەدى، ساتىپ العان تۇرعىن تۇرعىن ءۇيدىڭ شەكتى قۇنى كوتەرىلەدى، دەپ حابارلايدى "ادىرنا" ءتىلشىسى.
قازاقستان رەسپۋبليكاسى پرەزيدەنتىنىڭ 2018 جىلعى 10 قاڭتارداعى «ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىندا مالىمدەلگەن ەلباسى ن. نازارباەۆتىڭ بيزنەستى ۇزاق مەرزىمدى كرەديتتەۋمەن قامتاماسىز ەتۋ بويىنشا تاپسىرماسىن ىسكە اسىرۋ شەڭبەرىندە، سونداي-اق مەملەكەت باسشىسى ق.توقاەۆتىڭ 2020 جىلعى 1 قىركۇيەكتەگى «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىندا مالىمدەلگەن ەكونوميكانىڭ ناقتى سەكتورلارىن كرەديتتەۋ قاجەتتىگى تۋرالى تاپسىرماسىن ىسكە اسىرۋ ماقساتىندا، قازاقستان ۇلتتىق بانكى باسقارمانىڭ «تۇرعىن ءۇي نارىعىندا ۇزاق مەرزىمدى كرەديتتەۋدى ىنتالاندىرۋ تاسىلدەرى» قاۋلىسىنا وزگەرىستەر ەنگىزدى.
تاسىلدەردىڭ نەگىزگى مىندەتتەرى ەكونوميكانى ۇزاق مەرزىمدى بانكتىك كرەديتتەۋدى كەڭەيتۋ، تۇرعىن ءۇي نارىعىندا ۇزاق مەرزىمدى كرەديتتەۋدى جانداندىرۋ، حالىقتىڭ ءارتۇرلى توپتارى ءۇشىن تۇرعىن ءۇي يپوتەكاسىنىڭ قولجەتىمدىلىگىن ارتتىرۋ. بۇل "قازاقستاننىڭ ورنىقتىلىق قورى" اق وپەراتورى بولىپ تابىلاتىن «باسپانا حيت» نارىقتىق يپوتەكالىق ءونىم ارقىلى جۇزەگە اسىرىلۋدى.
«باسپانا حيت» يپوتەكانىڭ ۇتىمدى تالاپتارىن ۇسىنادى. جىلدىق نومينالدى سىياقى مولشەرلەمەسى بانكتىك قارىز شارتى جاسالعان كۇنىنە «بازالىق مولشەرلەمە + 175 بازيستىك تارماق» فورمۋلاسى بويىنشا ايقىندالادى جانە قارىز مەرزىمى ىشىندە وزگەرمەيدى. باستاپقى جارنا – 20%-دان باستاپ، قارىز مەرزىمى –15 جىلعا دەيىن. «باسپانا حيت» بويىنشا باستاپقى تۇرعىن ۇيدەن باسقا قايتالاما نارىقتا دا باسپانا ساتىپ الۋعا بولادى. سونداي-اق، تۇرعىن ءۇيدىڭ بولماۋى بويىنشا تالاپ قويىلمايدى.
«باسپانا حيت» باعدارلاماسى شەڭبەرىندە 2020 جىلعى 26 قازانداعى جاعداي بويىنشا 388,1 ملرد تەڭگەگە 44 228 ءوتىنىم ماقۇلداندى، ونىڭ ىشىندە 306,8 ملرد تەڭگە سوماسىنا 35 769 قارىز بەرىلدى.
«باسپانا ءحيتتى» ىسكە اسىرۋ بارىسىندا ازاماتتاردىڭ وتىنىشتەرى مەن بانكتەردىڭ، قۇرىلىس سالۋشىلاردىڭ جانە قوعامدىق بىرلەستىكتەردىڭ ۇسىنىستارى تالداندى، ولاردىڭ نەگىزىندە قازاقستان ۇلتتىق بانكى 2020 جىلعى قىركۇيەكتە تۇرعىن ءۇيدىڭ قولجەتىمدىلىگىن ارتتىرۋعا جانە باستاپقى تۇرعىن ۇيگە سۇرانىستى كوبەيتۋگە باعىتتالعان تۇزەتۋلەردى بەكىتتى.
قاۋلىدا مىنالار كوزدەلەدى:
- نۇر-سۇلتان، الماتى قالالارىندا باستاپقى نارىقتا ساتىپ الىناتىن تۇرعىن ءۇيدىڭ ەڭ جوعارى قۇنىنىڭ ءليميتىن 25 ملن. تەڭگەدەن 35 ملن تەڭگەگە دەيىن ۇلعايتۋ;
- باستاپقى جانە قايتالاما نارىقتاردا ساتىپ الىناتىن تۇرعىن ءۇيدىڭ ەڭ جوعارى قۇنىنىڭ ءليميتىن شىمكەنت ق. 25 ملن. تەڭگەگە دەيىن، قاراعاندى ق. 20 ملن. تەڭگەگە دەيىن ۇلعايتۋ;
- سالىنىپ جاتقان تۇرعىن ءۇيدى ۇلەستىك قاتىسۋ شەڭبەرىندە ساتىپ الۋ مۇمكىندىگى. بۇل باعىتتاعى كرەديتتەۋ «تۇرعىن ءۇي قۇرىلىسىنا ۇلەستىك قاتىسۋ تۋرالى» قر زاڭىنا سايكەس ىسكە اسىرىلاتىن بولادى.
«باسپانا حيت» باعدارلاماسىنىڭ كليەنتتەرى قازىردەن باستاپ جاڭا شەكتى باعالارمەن يپوتەكا راسىمدەي الادى. ال ۇلەستىك قاتىسۋ شەڭبەرىندە سالىنىپ جاتقان تۇرعىن ءۇيدى ساتىپ الۋعا نەسيە بەرۋدى باستاۋ ءۇشىن باعدارلاما وپەراتورى سەرىكتەس بانكتەرمەن بىرگە دايىندىق جۇمىستارىن جۇرگىزۋدە. سالىنىپ جاتقان تۇرعىن ۇيگە نەسيە بەرۋدىڭ باستالۋى تۋرالى كەيىنىرەك حابارلانادى.
"ادىرنا" ۇلتتىق پورتالى
