"Baspana hıt" ıpotekalyq nesıeleý baǵdarlamasyna ózgeris engizildi. Endi baǵdarlamaǵa úlestik qurylys kiredi, salynyp jatqan turǵyn úıdi satyp alýǵa ruqsat etiledi, satyp alǵan turǵyn turǵyn úıdiń shekti quny kóteriledi, dep habarlaıdy "Adyrna" tilshisi.
Qazaqstan Respýblıkasy Prezıdentiniń 2018 jylǵy 10 qańtardaǵy «Tórtinshi ónerkásiptik revolıýııa jaǵdaıyndaǵy damýdyń jańa múmkindikteri» atty Qazaqstan halqyna Joldaýynda málimdelgen Elbasy N. Nazarbaevtyń bıznesti uzaq merzimdi kredıtteýmen qamtamasyz etý boıynsha tapsyrmasyn iske asyrý sheńberinde, sondaı-aq Memleket basshysy Q.Toqaevtyń 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynda málimdelgen ekonomıkanyń naqty sektorlaryn kredıtteý qajettigi týraly tapsyrmasyn iske asyrý maqsatynda, Qazaqstan Ulttyq Banki Basqarmanyń «Turǵyn úı naryǵynda uzaq merzimdi kredıtteýdi yntalandyrý tásilderi» qaýlysyna ózgerister engizdi.
Tásilderdiń negizgi mindetteri ekonomıkany uzaq merzimdi banktik kredıtteýdi keńeıtý, turǵyn úı naryǵynda uzaq merzimdi kredıtteýdi jandandyrý, halyqtyń ártúrli toptary úshin turǵyn úı ıpotekasynyń qoljetimdiligin arttyrý. Bul "Qazaqstannyń ornyqtylyq qory" AQ operatory bolyp tabylatyn «Baspana Hıt» naryqtyq ıpotekalyq ónim arqyly júzege asyrylýdy.
«Baspana Hıt» ıpotekanyń utymdy talaptaryn usynady. Jyldyq nomınaldy syıaqy mólsherlemesi banktik qaryz sharty jasalǵan kúnine «bazalyq mólsherleme + 175 bazıstik tarmaq» formýlasy boıynsha aıqyndalady jáne qaryz merzimi ishinde ózgermeıdi. Bastapqy jarna – 20%-dan bastap, qaryz merzimi –15 jylǵa deıin. «Baspana Hıt» boıynsha bastapqy turǵyn úıden basqa qaıtalama naryqta da baspana satyp alýǵa bolady. Sondaı-aq, turǵyn úıdiń bolmaýy boıynsha talap qoıylmaıdy.
«Baspana Hıt» baǵdarlamasy sheńberinde 2020 jylǵy 26 qazandaǵy jaǵdaı boıynsha 388,1 mlrd teńgege 44 228 ótinim maquldandy, onyń ishinde 306,8 mlrd teńge somasyna 35 769 qaryz berildi.
«Baspana Hıtti» iske asyrý barysynda azamattardyń ótinishteri men bankterdiń, qurylys salýshylardyń jáne qoǵamdyq birlestikterdiń usynystary taldandy, olardyń negizinde Qazaqstan Ulttyq Banki 2020 jylǵy qyrkúıekte turǵyn úıdiń qoljetimdiligin arttyrýǵa jáne bastapqy turǵyn úıge suranysty kóbeıtýge baǵyttalǵan túzetýlerdi bekitti.
Qaýlyda mynalar kózdeledi:
- Nur-Sultan, Almaty qalalarynda bastapqy naryqta satyp alynatyn turǵyn úıdiń eń joǵary qunynyń lımıtin 25 mln. teńgeden 35 mln teńgege deıin ulǵaıtý;
- bastapqy jáne qaıtalama naryqtarda satyp alynatyn turǵyn úıdiń eń joǵary qunynyń lımıtin Shymkent q. 25 mln. teńgege deıin, Qaraǵandy q. 20 mln. teńgege deıin ulǵaıtý;
- salynyp jatqan turǵyn úıdi úlestik qatysý sheńberinde satyp alý múmkindigi. Bul baǵyttaǵy kredıtteý «Turǵyn úı qurylysyna úlestik qatysý týraly» QR Zańyna sáıkes iske asyrylatyn bolady.
«Baspana Hıt» baǵdarlamasynyń klıentteri qazirden bastap jańa shekti baǵalarmen ıpoteka rásimdeı alady. Al úlestik qatysý sheńberinde salynyp jatqan turǵyn úıdi satyp alýǵa nesıe berýdi bastaý úshin baǵdarlama operatory seriktes banktermen birge daıyndyq jumystaryn júrgizýde. Salynyp jatqan turǵyn úıge nesıe berýdiń bastalýy týraly keıinirek habarlanady.
"Adyrna" ulttyq portaly
