"Baspana hit" ipotekalyq nesieleu baǧdarlamasyna özgerıs engızıldı. Endı baǧdarlamaǧa ülestık qūrylys kıredı, salynyp jatqan tūrǧyn üidı satyp aluǧa rūqsat etıledı, satyp alǧan tūrǧyn tūrǧyn üidıŋ şektı qūny köterıledı, dep habarlaidy "Adyrna" tılşısı.
Qazaqstan Respublikasy Prezidentınıŋ 2018 jylǧy 10 qaŋtardaǧy «Törtınşı önerkäsıptık revoliusiia jaǧdaiyndaǧy damudyŋ jaŋa mümkındıkterı» atty Qazaqstan halqyna Joldauynda mälımdelgen Elbasy N. Nazarbaevtyŋ biznestı ūzaq merzımdı kreditteumen qamtamasyz etu boiynşa tapsyrmasyn ıske asyru şeŋberınde, sondai-aq Memleket basşysy Q.Toqaevtyŋ 2020 jylǧy 1 qyrküiektegı «Jaŋa jaǧdaidaǧy Qazaqstan: ıs-qimyl kezeŋı» atty Qazaqstan halqyna Joldauynda mälımdelgen ekonomikanyŋ naqty sektorlaryn kreditteu qajettıgı turaly tapsyrmasyn ıske asyru maqsatynda, Qazaqstan Ūlttyq Bankı Basqarmanyŋ «Tūrǧyn üi naryǧynda ūzaq merzımdı kreditteudı yntalandyru täsılderı» qaulysyna özgerıster engızdı.
Täsılderdıŋ negızgı mındetterı ekonomikany ūzaq merzımdı banktık kreditteudı keŋeitu, tūrǧyn üi naryǧynda ūzaq merzımdı kreditteudı jandandyru, halyqtyŋ ärtürlı toptary üşın tūrǧyn üi ipotekasynyŋ qoljetımdılıgın arttyru. Būl "Qazaqstannyŋ ornyqtylyq qory" AQ operatory bolyp tabylatyn «Baspana Hit» naryqtyq ipotekalyq önım arqyly jüzege asyryludy.
«Baspana Hit» ipotekanyŋ ūtymdy talaptaryn ūsynady. Jyldyq nominaldy syiaqy mölşerlemesı banktık qaryz şarty jasalǧan künıne «bazalyq mölşerleme + 175 bazistık tarmaq» formulasy boiynşa aiqyndalady jäne qaryz merzımı ışınde özgermeidı. Bastapqy jarna – 20%-dan bastap, qaryz merzımı –15 jylǧa deiın. «Baspana Hit» boiynşa bastapqy tūrǧyn üiden basqa qaitalama naryqta da baspana satyp aluǧa bolady. Sondai-aq, tūrǧyn üidıŋ bolmauy boiynşa talap qoiylmaidy.
«Baspana Hit» baǧdarlamasy şeŋberınde 2020 jylǧy 26 qazandaǧy jaǧdai boiynşa 388,1 mlrd teŋgege 44 228 ötınım maqūldandy, onyŋ ışınde 306,8 mlrd teŋge somasyna 35 769 qaryz berıldı.
«Baspana Hittı» ıske asyru barysynda azamattardyŋ ötınışterı men bankterdıŋ, qūrylys saluşylardyŋ jäne qoǧamdyq bırlestıkterdıŋ ūsynystary taldandy, olardyŋ negızınde Qazaqstan Ūlttyq Bankı 2020 jylǧy qyrküiekte tūrǧyn üidıŋ qoljetımdılıgın arttyruǧa jäne bastapqy tūrǧyn üige sūranysty köbeituge baǧyttalǧan tüzetulerdı bekıttı.
Qaulyda mynalar közdeledı:
- Nūr-Sūltan, Almaty qalalarynda bastapqy naryqta satyp alynatyn tūrǧyn üidıŋ eŋ joǧary qūnynyŋ limitın 25 mln. teŋgeden 35 mln teŋgege deiın ūlǧaitu;
- bastapqy jäne qaitalama naryqtarda satyp alynatyn tūrǧyn üidıŋ eŋ joǧary qūnynyŋ limitın Şymkent q. 25 mln. teŋgege deiın, Qaraǧandy q. 20 mln. teŋgege deiın ūlǧaitu;
- salynyp jatqan tūrǧyn üidı ülestık qatysu şeŋberınde satyp alu mümkındıgı. Būl baǧyttaǧy kreditteu «Tūrǧyn üi qūrylysyna ülestık qatysu turaly» QR Zaŋyna säikes ıske asyrylatyn bolady.
«Baspana Hit» baǧdarlamasynyŋ klientterı qazırden bastap jaŋa şektı baǧalarmen ipoteka räsımdei alady. Al ülestık qatysu şeŋberınde salynyp jatqan tūrǧyn üidı satyp aluǧa nesie berudı bastau üşın baǧdarlama operatory serıktes banktermen bırge daiyndyq jūmystaryn jürgızude. Salynyp jatqan tūrǧyn üige nesie berudıŋ bastaluy turaly keiınırek habarlanady.
"Adyrna" ūlttyq portaly
