ترامپ «بوراتتى» ارامزا دەپ اتادى

3094
Adyrna.kz Telegram

اقش پرەزيدەنتى دونالد ترامپ قازاقستاندىقتار تارالىمىنا قارسىلىق بىلدىرگەن «بورات» پسەۆدودەرەكتى فيلمىندە قازاقستاندىق رەپورتەر بورات ساگديەۆتىڭ رولىمەن تانىمال بولعان بريتان اكتەرى  ساشا بارون كوەندى سىنعا الدى، - دەپ حابارلايدى «ادىرنا» ۇلتتىق پورتالى Usatoday-گە سىلتەمە جاساپ.

امەريكالىق كوشباسشى بۇل ازىلكەشتىڭ وسىدان 15 جىل الدىن ءوزىن الداماق بولعانىن، بىراق ول ارباۋعا تۇسپەگەن جالعىز ادام ەكەنىن جەتكىزدى. اقش پرەزيدەنتى ءوزىن الداعاندىعىن بىردەن ءتۇسىنىپ، شوۋعا تۇسۋدەن باس تارتقان. ءوز سوزىندە: «ول جىگىت ناعىز ارامزانىڭ ءوزى. مەن ونى مۇلدە كۇلكىلى دەپ سانامايمىن»، - دەيدى اق ءۇي باسشىسى.

ال اكتەر پرەزيدەنتكە ءفيلمدى تەگىن جارنامالاپ بەرگەنى ءۇشىن راقمەتىن ايتىپتى. ول ءوزىنىڭ Twitter-دەگى پاراقشاسىندا: «مەن دە سەنى كۇلكىلى ادام دەپ سانامايمىن. بىراق بۇكىل الەم سەنىڭ ۇستىڭنەن كۇلەدى. مەن ىلعي راسيستىك ازىلدەردى ويناي بىلەتىن اكتەر ىزدەپ جۇرەمىن، ال ساعان 20 قاڭتاردان كەيىن جۇمىس كەرەك بولادى»، - دەپ جاۋاپ بەرگەن.

ەستەرىڭىزگە سالا كەتەيىك، 23 قازان كۇنى Amazon Prime-دا «بورات-2» ءفيلمىنىڭ پرەمەراسى بولىپ، ارتىنشا قازاقستاندىقتار اقش-قا بارعان قازاقستاندىق جۋرناليست ءرولى ءۇشىن اشىنىپ، وزدەرىنىڭ نارازىلىقتارىن الەۋمەتتىك جەلىلەر ارقىلى بىلدىرگەن بولاتىن.

 

فوتو AMAZON STUDIOS-تىكى

«ادىرنا» ۇلتتىق پورتالى

پىكىرلەر