AQSh prezıdenti Donald Tramp qazaqstandyqtar taralymyna qarsylyq bildirgen «Borat» psevdoderekti fılminde qazaqstandyq reporter Borat Sagdıevtiń rólimen tanymal bolǵan brıtan akteri Sasha Baron Koendi synǵa aldy, - dep habarlaıdy «Adyrna» ulttyq portaly Usatoday-ge silteme jasap.
Amerıkalyq kóshbasshy bul ázilkeshtiń osydan 15 jyl aldyn ózin aldamaq bolǵanyn, biraq ol arbaýǵa túspegen jalǵyz adam ekenin jetkizdi. AQSh prezıdenti ózin aldaǵandyǵyn birden túsinip, shoýǵa túsýden bas tartqan. Óz sózinde: «Ol jigit naǵyz aramzanyń ózi. Men ony múlde kúlkili dep sanamaımyn», - deıdi Aq úı basshysy.
Al akter prezıdentke fılmdi tegin jarnamalap bergeni úshin raqmetin aıtypty. Ol óziniń Twitter-degi paraqshasynda: «Men de seni kúlkili adam dep sanamaımyn. Biraq búkil álem seniń ústińnen kúledi. Men ylǵı rasıstik ázilderdi oınaı biletin akter izdep júremin, al saǵan 20 qańtardan keıin jumys kerek bolady», - dep jaýap bergen.
Esterińizge sala keteıik, 23 qazan kúni Amazon Prime-da «Borat-2» fılminiń premerasy bolyp, artynsha qazaqstandyqtar AQSh-qa barǵan qazaqstandyq jýrnalıst róli úshin ashynyp, ózderiniń narazylyqtaryn áleýmettik jeliler arqyly bildirgen bolatyn.
Foto AMAZON STUDIOS-tiki
«Adyrna» ulttyq portaly
