قازاننىڭ 18 كۇنى پاۆلودار قالاسىندا قازاق ءتىلىنىڭ مارتەبەسىن كوتەرۋ ماقساتىندا انا ءتىلىمىزدىڭ جاناشىرى رۋزا بەيسەنبايتەگىنىڭ باستاماسىمەن ءبىر توپ بەلسەندىلەر رۇقسات ەتىلگەن ميتينگكە شىققان بولاتىن. ميتينگ ناتيجەسىندە قابىلدانعان قاراردى "ادىرنا" ۇلتتىق پورتالىنىڭ وقىرماندارىنىڭ نازارىنا ۇسىنامىز.
قر پرەزيدەنتى ق.توكاەۆقا،
قر پرەمەر-مينيستر ا.مامينگە،
قر باس پروكۋرورى گ.نۋرداۋلەتوۆكە،
قر سەنات توراعاسى م.اشيمباەۆقا،
قر ءماجىلىس توراعاسى ن.نيگماتۋللينگە.
«نۇر وتان» پارتياسىنا
«مەملەكەتتىك قازاق ءتىلىنىڭ مارتەبەسىن كوتەرىپ، ءار سالادا قولدانۋىن تالاپ ەتۋ جانە قازاقتىلدى تۇتىنۋشىلاردىڭ ديسكريميناتسياسىن توقتاتۋ»
ميتينگىسىندە قابىلدانعان قارار
- قر كونستيتۋتسياسىنىڭ 7 بابى، 2 تارماعىن الىپ تاستاۋ;
سەبەبى اتا زاڭىمىزدا 7-ءشى باپتىڭ 2-ءشى تارماعىندا: «مەملەكەتتىك ۇيىمداردا جانە جەرگىلىكتى ءوزىن-ءوزى باسقارۋ ورگاندارىندا ورىس ءتىلى رەسمي تىلدە قازاق تىلىمەن تەڭ قولدانادى»، دەپ جازىلعانى ەلىمىزدەگى قالعان 128 ۇلتتىڭ تىلدەرىن مەنسىنبەۋ جانە كەمسىتۋ دەپ باعالانادى.
ناق قازىر مۇمكىندىك بولماسا، 2 تارماعىنا، جالعىز ورىس ءتىلى قر تەرريتورياسىندا قولدانىلمايدى دەپ ناقتىلايتىن وزگەرىس ەڭگىزۋ.
- قر ۇكىمەتىنە، قر پارلامەنتىنە مەملەكەتتىك ءتىل تۋرالى زاڭ قابىلداۋ;
- مەملەكەتتىك ءتىلدى بىلمەيتىن، اۋدارماشىسىز جۇمىس اتقارا المايتىن قىزمەتكەرلەردى مەمقىزمەتكە الۋعا تيىم سالۋ;
- قر ءتىل تۋرالى زاڭىنداعى: «مەملەكەتتىك ءتىلدى مەڭگەرۋ قر ءاربىر ازاماتىنىڭ پارىزى» دەگەن 4-باپتى: «مەملەكەتتىك ءتىلدى مەڭگەرۋ قر ءاربىر ازاماتىنىڭ مىندەتى» دەپ اۋىستىرۋ;
- مەملەكەتتىك تاپسىرىس، ساتىپ الۋ ارقىلى قىزمەت كورسەتۋشىلەردىڭ تەندەرلەرىنىڭ «تەحسپەتسيفيكاتسياسىنا»، ليتسەنزيا جانە باسقا دا رۇقساتناما قۇجاتتارىنا: «قانداي دا بولماسىن قىزمەت مىندەتتى تۇردە مەملەكەتىك تىلدە ءبىرىنشى كەزەكتە بولۋى كەرەك»، دەگەن نۇسقاۋ جازىلۋىن قامتاماسىز ەتۋ;
- وتاندىق تەلەارنالاردا، ءارتۇرلى جاستاعى بالالارعا ارنالعان ساپالى، مازمۇندى، كىشكەنتايلارعا ارنالعان قىزىقتى قازاقتىلدى كونتەنتپەن قامتاماسىز ەتۋ;
- اپتا سايىن تەلەارنالاردا: «مەملەكەتتىك ءتىلدى ءبىلۋ قر تەرريتورياسىنداعى ءار ازاماتتىنىڭ پارىزى»، «ورىس تىلدىلەردىڭ ورىس تىلىندە قىزمەت الۋعا قانداي قۇقى بولسا، ءبىرىنشى كەزەكتە ءدال سونداي قۇقىق قازاق تىلدىلەردە دە بار»، دەگەن باعىتتا ناسيحات جۇرگىزۋ;
- مەملەكەتتىك ورگاندار مەن قر سۋبەكتىلەرىنىڭ تەك ورىس تىلىندە قۇجات، بلانكى، اقپارات ت.ت. بەرۋىن دوعارۋ;
- ءار تىلدىك ديسكريميناتسيا فاكتىلەرى بويىنشا، كونستيتۋتسياعا سايكەس، اك بويىنشا شارا قولدانۋدى مىندەتتەۋ. بۇل فۋنكتسيانى پروكۋراتۋرا مەن ءتىل باسقارمالارىنا جانە پوليتسياعا بەرۋ نورماسىن قاراستىرۋ;
- قازاق تىلدىلەردىڭ قۇقىعى ورەسكەل بۇزىلۋى تيىلماعاندىقتان مەملەكەتتىك ءتىل اليانسىن قۇرۋدى ۇسىنامىز. ونىڭ قاتارىنا باق وكىلدەرى، قوعامدىق ۇيىمدار، ءتىل كوميتەتى، مەملەكەتتىك قىزمەت ىستەر اگەنتىگىنىڭ وكىلدەرى كىرەدى. وسى اليانس بارلىق زاڭ بۇزۋشىلىقتى جۇيەلى تۇردە زاڭ اياسىندا، سوت ارقىلى شەشۋ مىندەتىن اتقارادى.
قاراردى تاپسىرۋشى رۋزا بەيسەنبايتەگى
"ادىرنا" ۇلتتىق پورتالى
