پرەزيدەنتى جانىنداعى ۇلتتىق قوعامدىق سەنىم كەڭەسىنىڭ ءتورتىنشى جينالىسى ءوز مارەسىنە جەتتى. بۇل جولى پرەزيدەنت قاسىم-جومارت كەمەلۇلى ىشكى قونىس اۋدارۋشىلارعا باسا نازار اۋداردى. اتالعان وتىرىس قارساڭىندا كوشى-قون ساياساتىنا بايلانىستى ون ۇسىنىس ۇسىنعان بولاتىنمىن. بۇل تۋرالى اۋىت مۇقيبەك facebook-تەگى پاراقشاسىندا جازدى.
حالقى تىعىز قونىستانعان وڭتۇستىك ءوڭىر تۇرعىندارىن ۇكىمەت ايقىنداعان ايماقتارعا قونىستاندىرۋ جۇمىسىن جاقسارتۋ ءۇشىن پرەزيدەنت بىرىڭعاي قولجەتىمدى ەلەكتروندى اقپاراتتىق بازا جاساۋدى جانە ۇكىمەت ايقىنداعان وبلىستارعا قونىس اۋدارىپ بارعاندارعا بەرىلەتىن قاراجاتتى ەكى ەسە كوبەيتۋدى تاپسىردى، - دەدى ول.
سونداي-اق، ول مەملەكەت باسشىسى قانداستارىمىزدىڭ باسپانا كەزەگىنە تۇرۋدا كەدەرگى بولىپ وتىرعان «تۇرعىن ءۇي قاتىناستارى تۋرالى» زاڭ مەن «حالىقتىڭ كوشى-قونى تۋرالى» زاڭ اراسىنداعى سايكەسسىزدىك توقتالىپ، ۇكىمەت ايقىنداعان وڭىرلەرگە قونىستانعان قانداستارىمىزدىڭ «قانداس» مارتەبەسىمەن تۇرعان باسپانا كەزەگىن قازاقستان رەسپۋبليكاسىنىڭ ازاماتتىعىن العاننان كەيىن دە ساقتاۋ تۋرالى تاپسىرما بەرگەنىن ايتتى.
بۇل – قانداستارىمىزدىڭ ۇكىمەت ايقىنداعان جەتى وبلىسقا كوپتەپ قونىستانۋىنا وتە ءتيىمدى شەشىم جانە ءسۇيىنشى سۇرايتىن جاڭالىق دەپ بىلەمىن.ال سىرتتان كەلەتىن قانداستارىمىز تۋرالى وزگە ۇسىنىستارىمىز تۋرالى ءسوز بولعان جوق. مەن مۇنى قازىرگى پاندەميا جاعدايىمەن بايلانىستى جاسالعان شەشىم دەپ توپشىلادىم. سەبەبى قازىر شەكارا جابىق. قاشان اشىلارى بەلگىسىز. شەتتەن كوشىپ كەلىپ جاتقان دا ەشكىم جوق.اللا قالاسا، ول ۇسىنىستارىمىز كەلەسى وتىرىستا ءسوزسىز قارالادى دەپ سەنەمىن، - دەدى ول.
