بۇگىندە شىمكەنت قالاسىنىڭ اباي اۋدانى اۋماعىنا قوسىلعان 10 ەلدىمەكەننىڭ ينفراقۇرىلىمدىق ماسەلەلەرىن شەشۋ باعىتىندا ءتيىستى جۇمىستار اتقارىلۋدا. اۋدان اكىمى بۇقارباي پارمانوۆ تۇرعىن الاپتاردا ينفراقۇرىلىم جۇيەلەرىن شەشۋ ماقساتىندا تۇرعىندارمەن تۇراقتى كەزدەسۋلەر وتكىزىپ كەلەدى.
ب. پارمانوۆتىڭ ايتۋىنشا، اۋداندا جالپى 24 ەلدىمەكەن نەمەسە 71 % ساپالى اۋىز سۋمەن قامتىلىپ وتىر. جىل باسىندا 2 ەلدىمەكەنگە ساپالى اۋىز سۋ جەتكىزىلگەن ەدى. 2020 جىلى ساپالى اۋىز سۋمەن قامتاماسىز ەتۋ جۇمىستارىنا جالپى 8,4 ملرد. تەڭگە قارجى قارالدى. جىل سوڭىنا دەيىن 4 ەلدىمەكەننىڭ اۋىز سۋ جۇيەسىنىڭ قۇرىلىس جۇمىستارى اياقتالىپ، 18 مىڭعا جۋىق تۇرعىننىڭ ساپالى اۋىز سۋعا قولى جەتپەك.
قازىرگى تاڭدا اۋدان اۋماعى بويىنشا 25 ەلدىمەكەن مەملەكەتتىك ەلەكتر جارىعىمەن قامتىلىپ وتىر. قالعان 9 ەلدىمەكەن جەكەمەنشىك ەلەكتر ترانسفورماتورلارىن پايدالانادى. 2020 جىلى ەلەكتر قۋاتىمەن قامتاماسىز ەتۋ بويىنشا 1 ەلدىمەكەننىڭ قۇرىلىس جۇمىستارىنا - 224 ملن، 7 ەلدىمەكەننىڭ جسق-ن دايىنداۋعا - 118,3 ملن. تەڭگە بولىنگەن.
اۋداندا 25 ەلدىمەكەن نەمەسە 74 % تابيعي گاز جۇيەسىمەن قامتىلسا، قالعان 9 ەلدى مەكەن قاتتى وتىندى پايدالانادى. بيىل تابيعي گازبەن قامتاماسىز ەتۋ جۇمىستارىنا جالپى 175,2 ملن. تەڭگە ءبولىندى. اتاپ ايتقاندا، 1 ەلدىمەكەندە قۇرىلىس جۇمىستارىن جۇرگىزۋ (106,2 ملن.تەڭگە), 2 ەلدىمەكەننىڭ جسق-ن دايىنداۋ (50,2 ملن. تەڭگە), ىنتىماق-2 شاعىن اۋدانى باتىس بولىگىندەگى 2243 ءۇيدى گاز جۇيەسىمەن قامتاماسىز ەتۋ ءۇشىن جسق دايىنداۋ، 6 ەلدىمەكەنگە تابيعي گاز جۇيەسىن تارتۋ ماقساتىندا جوبا دايىنداۋ جۇمىستارى اتقارىلۋدا.
سونداي-اق، اۋدان اۋماعىندا جالپى 195,3 شاقىرىمعا يرريگاتسيا جۇيەلەرى ورناتىلعان. 2020 جىلى اۋدان اۋماعىنداعى 7 مەكەنجايعا سۋاعار (لوتوك) جۇيەلەرىن ورناتۋ جۇمىستارى تولىق ورىندالدى. اۋداندا جالپى ورناتۋدى قاجەت ەتەتىن يرريگاتسيا جۇيلدەرى 37,5 شاقىرىم. 2021 جىلعا 14 شاقىرىمدى قۇرايتىن 21 كوشە مەن اۋلاعا يرريگاتسيا جۇيەلەرىن ورناتۋ بويىنشا قالالىق ەنەرگەتيكا جانە كوممۋنالدىق شارۋاشىلىق باسقارماسىنا ۇسىنىس جولدانعان.
بۇگىندە سامال-1,2,3 شاعىناۋداندارىندا كارىز جۇيلەرى (268,9 ملن.تەڭگە) قۇرىلىسى جۇرگىزىلۋدە.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
