قاراشا ايىندا اۋا رايى تۇراقسىز بولادى، دەپ حابارلايدى «ادىرنا» ۇلتتىق پورتالى قازگيدرومەتكە سىلتەمە جاساپ.
ايدىڭ ءبىرىنشى جارتىسىندا رەسپۋبليكانىڭ سولتۇستىك بولىگىندە، شىعىسىندا جانە ورتالىعىندا قىسقى اۋا رايى بولجانادى. قاراشادا جاۋىن-شاشىن (كوبىنەسە قار), قارلى بوران، سونداي-اق كوكتايعاق پەن تۇمان ءجيى بولادى.
ايدىڭ ەڭ سۋىق كۇندەرىندە تەرمومەتر باعاناسى تۇندە -10-23°C, كۇندىز -2-10°C دەيىن تومەندەيدى. سۋىق اۋا ماسسالارى جىلىعا اۋىسقاندا تەرمومەترلەردىڭ باعانالارى +5+12°س بەلگىسىنە جەتەدى.
ەلىمىزدىڭ وڭتۇستىك بولىگىندە جاۋىن-شاشىن (جاڭبىر، جىلبىسقى قار) ايدىڭ ەكىنشى جارتىسىندا كۇتىلەدى، تاۋلى جەرلەردە ەرتەرەك بولۋى مۇمكىن. بۇل جاعدايدا تەمپەراتۋرا فونى تۇندە -5-12°س دەيىن، كۇندىز -1+5°س دەيىن تومەندەيدى.
قازاقستاننىڭ باسىم بولىگىندە اۋا تەمپەراتۋراسى نورما شاماسىندا، ەلدىڭ سولتۇستىك-باتىس جارتىسىندا – نورمادان 1°س جوعارى، وڭتۇستىك، وڭتۇستىك-شىعىس جانە شىعىستىڭ تاۋلى جانە تاۋ بوكتەرلى اۋداندارىندا - نورمادان 1°س تومەن بولادى دەپ كۇتىلۋدە.
«ادىرنا» ۇلتتىق پورتالى
