Qarasha aıynda aýa raıy turaqsyz bolady, dep habarlaıdy «Adyrna» ulttyq portaly Qazgıdrometke silteme jasap.
Aıdyń birinshi jartysynda Respýblıkanyń soltústik bóliginde, shyǵysynda jáne ortalyǵynda qysqy aýa raıy boljanady. Qarashada jaýyn-shashyn (kóbinese qar), qarly boran, sondaı-aq kóktaıǵaq pen tuman jıi bolady.
Aıdyń eń sýyq kúnderinde termometr baǵanasy túnde -10-23°C, kúndiz -2-10°C deıin tómendeıdi. Sýyq aýa massalary jylyǵa aýysqanda termometrlerdiń baǵanalary +5+12°S belgisine jetedi.
Elimizdiń ońtústik bóliginde jaýyn-shashyn (jańbyr, jylbysqy qar) aıdyń ekinshi jartysynda kútiledi, taýly jerlerde erterek bolýy múmkin. Bul jaǵdaıda temperatýra fony túnde -5-12°S deıin, kúndiz -1+5°S deıin tómendeıdi.
Qazaqstannyń basym bóliginde aýa temperatýrasy norma shamasynda, eldiń soltústik-batys jartysynda – normadan 1°S joǵary, ońtústik, ońtústik-shyǵys jáne shyǵystyń taýly jáne taý bókterli aýdandarynda - normadan 1°S tómen bolady dep kútilýde.
«Adyrna» ulttyq portaly
