قازاقستاننىڭ بەلگىلى بيزنەسمەنى مارعۇلان سەيسەنباي قىرعىز ەلىنە رەفورما جاساۋعا كومەك بەرۋگە دايىن ەكەنىن مالىمدەدى, دەپ حابارلايدى "ادىرنا" ءتىلشىسى.
"سوورونباي جەەنبەكوۆ كادىمگىدەي سىيلاستىق سەزىمىمدى وياتتى. ورىندى، ءارى ءمارت ارەكەت! قىرعىزدار ەلدەگى ءتارتىپ پەن بيلىكتى ۇستاپ قالا الدى. بەرىك بولىڭدار، باۋىرلار، ارانداتۋعا جول بەرمەڭدەر! ءسىزدىڭ ەلدە اقىرىندا تۇراقتىلىق پەن ءتارتىپ ورنايدى دەپ سەنەمىن.
ساتتىلىك سەرىك بولىپ، ىستەرىڭىز وڭىنان ءجۇرسىن!
⠀
P.S. ال شەتەلدىك كومپانيالاردىڭ مەنشىگىن قايتارۋ كەرەك. ايتپەسە، ءوز ءىسىن بىلەتىن ءبىر دە ءبىر ينۆەستور ءسىزدىڭ ەلگە اتتاپ باسپاسى انىق. تەك الدامشىلار مەن الاياقتار عانا باس سۇعاتىن بولادى. جەكە مەنشىككە دەگەن قۇرمەت - نارىقتىق ەكونوميكانىڭ جانە ەلدىڭ گۇلدەنۋىنىڭ ىرگەتاسى.
⠀
P.P.S.قىرعىز باۋىرلار، ەگەر سىزدەرگە رەفورما جۇرگىزۋ بويىنشا قانداي دا ءبىر كونسۋلتاتيۆتىك كومەك قاجەت بولسا، بىزگە - “قاراپايىم شەشىمدەر مەن ناتيجەلەر كەڭسەسىنە” جۇگىنۋلەرىڭىزگە بولادى. ءبىز سىزدەرمەن ۋكرايناداعى ءوز تاجىريبەمىزبەن ءبولىسىپ، جولدارىن تۇسىندىرەمىز. ماعان حابارلاسۋلارىڭىزعا بولادى،" - دەپ جازدى ينستاگرام جازباسىندا.
ايتا كەتەيىك، قىرعىز پرەزيدەنتى سوورونباي جەەنبەكوۆ ورنىنان كەتىپ، ەل بيلەۋ ءىسى ۇكىمەت باسشىسى سادىر جاپاروۆتىڭ قولىنا كوشتى. قازىرگى كەزدە قىرعىزستاندا قازاقستاندىقتاردىق بايلاردىڭ بىرنەشە بيزنەس نىساندارى جۇمىس ىستەپ تۇر.
