ەكى جاستاعى ۇلىن ساتپاق بولعان ەر ادام ۇستالدى

2936
Adyrna.kz Telegram

سۇرحانداريا وبلىسىندا ەكى جاستاعى ۇلىن ساتپاق بولعان ەر ازامات ۇستالدى دەپ حابارلايدى «ادىرنا» ۇلتتىق پورتالى centralasion.org سايتىنا سىلتەمە جاساپ.

جەرگىلىكتى باق-تىڭ حابارلاۋىنشا، اۋداندىق ىشكى ىستەر بولىمشەسىنە بايسۋن اۋدانىنىڭ تۇرعىنى حابارلاسقان. ونىڭ سوزىنشە، 28 جاستاعى دەناۋ اۋدانىنىڭ تۇرعىنى پۋلات چوريەۆ ەكى جاستاعى ۇلىن 50 ملن سۋمعا (4,8 مىڭ اقش دوللارى) ساتپاق بولعان.

"سول كۇنى ارنايى وپەراتسيا جۇرگىزىلىپ، پ.چوريەۆ ۇلىن 2500 اقش دوللارىنا جانە 24 250 000 سۋمعا ساتۋ كەزىندە ۇستالدى", - دەلىنگەن حابارلامادا.

كۇدىكتىنىڭ ۇستىنەن قىلمىستىق ءىس قوزعالعان، تەرگەۋ ءجۇرىپ جاتىر.

وسىعان دەيىن دە حابارلانعانداي، وزبەكستاننىڭ قۇقىق قورعاۋ ورگاندارى بالا ساتۋ ىسىنە بايلانىستى بىرنەشە وقيعانى انىقتاعان.

«ادىرنا» ۇلتتىق پورتالى

پىكىرلەر