شىمكەنت قالاسىنىڭ اكىمى مۇرات ايتەنوۆ "ەسكى قالاشىق" - تسيتادەلدە اتقارىلىپ جاتقان جۇمىستار بارىسىمەن تانىستى.
قازاقستان رەسپۋبليكاسىنىڭ تۇڭعىش پرەزيدەنتىنىڭ تسيتادەلدى قايتا جاڭعىرتۋ بويىنشا تاپسىرماسىنا سايكەس مۇندا قىزۋ جۇمىستار جۇرۋدە.
قازىرگى تاڭدا نىسانداعى ارلەۋ جۇمىستارى – 80 %-عا، اباتتاندىرۋ –30 %-عا، ارحەولوگيالىق جۇمىستار – 60 %-عا اياقتالىپ قالعان.
ەسكى قالاشىقتىڭ باتىس بولىگىندە (پودپورنىە ستەنى), وڭتۇستىك-باتىس جانە سولتۇستىك-باتىس بەكىنىس قابىرعالارىن قالپىنا كەلتىرۋ، سونداي-اق، پاندۋسپەن كىرۋ جولدارى اياقتالعان. تسيتادەل توبەشىگىندە جاياۋ جۇرگىنشىلەر جولىنىڭ، ايۆاننىڭ، حاۋزدىڭ عىلىمي-رەستاۆراتسيالىق جۇمىستارى اياقتالىپ، ارلەۋ جۇمىستارى جۇرگىزىلىپ جاتىر.
جۇمىسشى توپ 8 باعىتتا مۋزەيلەندىرۋ جۇمىستارىن جوسپارعا سايكەس اتقارىپ جاتىر. ولار ەسكى قالاشىقتا تابىلعان ەكسپوناتتاردى مۋزەيگە قوياتىن جادىگەرلەردى ءبولۋ ۇستىندە.
تاريحي نىسانداعى اتقارىلىپ جاتقان جۇمىستارعا قانىق بولعان قالا اكىمى قۇرىلىستى جىل سوڭىنا دەيىن اياقتاۋدى تاپسىردى.
شىمكەنت قالاسى اكىمىنىڭ ءباسپاسوز قىزمەتى
