شىمكەنتتە 79 كوپقاباتتى تۇرعىنۇيدىڭ قاسبەتى جاڭارادى

1583
Adyrna.kz Telegram

شىمكەنت قالاسىنىڭ اكىمى مۇرات ايتەنوۆتىڭ كوپقاباتتى تۇرعىنۇيلەردىڭ قاسبەتىن جاڭارتۋ بويىنشا بەرگەن تاپسىرماسى ءوز شەشىمىن تاۋىپ جاتىر. قالا اكىمى شىمكەنت - تمد ەلدەرىنىڭ استاناسى اياسىندا قالانىڭ نەگىزگى ورتالىق كوشەلەرىندەگى كوپقاباتتى تۇرعىن ۇيلەردىڭ سىرتقى كەلبەتىن جوندەۋدى تاپسىرعان بولاتىن.

اتقارىلىپ جاتقان جۇمىستار تولىعىمەن اياقتالار بولسا، شاھارداعى 79 كوپقاباتتى تۇرعىنۇيدىڭ سىرتى جاڭا كەلبەتكە يە بولادى.

اكىم تاپسىرماسىنىڭ ورىندالۋى جانە قۇرىلىس سالاسىنداعى اتقارىلىپ جاتقان جۇمىستار بارىسى جونىندە اقپاراتتىق-كوممۋنيكاتسيالىق ورتالىقتا وتكەن بريفينگتە قالا اكىمىنىڭ ورىنباسارى ب.مامىتاليەۆ باياندادى.

«رەسپۋبليكا جانە تاۋكە حان داڭعىلى بويىنداعى شۇعىل جوندەۋدى قاجەت ەتەتىن 43 كوپقاباتتى تۇرعىن ءۇيدىڭ قاسبەتى جاڭاردى. جوندەۋ جۇمىستارىن «وتاۋ ستروي»، «ا.ر.ت. قۇرىلىس»، «كانفار بيلدينگ»، «كورپوراتسيا اق ورداسى»، «شىمكەنت ستروي»، «كازمەدەوگراند»، «بەكسترويسەرۆيس»، «ليدەر-نك» جانە «يۋگسترويسەرۆيس-ن» سەكىلدى كومپانيالار جۇرگىزدى. بۇگىنگى تاڭدا 43 ءۇيدىڭ سىرتقى قاسبەتىن جوندەۋ جانە ۆيتراج ورناتۋ جۇمىستارى تولىق اياقتالدى» - دەدى ول.

سونىمەن قاتار، اسار شاعىن اۋدانىندا كوپقاباتتى 30 تۇرعىن ءۇيدىڭ قاسبەتىن جوندەۋ قاجەتتىلىگى انىقتالعان. بۇگىنگى تاڭدا 28 ۇيدە جۇمىستار تولىعىمەن اياقتالىپ، ال قالعان ەكى ۇيدەگى جوندەۋ جۇمىستارىنىڭ 90% پايىزى اتقارىلعانىن جەتكىزدى.

بۇدان بولەك، اكىمشىلىك-ىسكەرلىك ورتالىعىندا التى ۇيگە «ا.ر.ت. قۇرىلىس» كومپانياسى جوندەۋ جۇرگىزىپ جاتىر. 4 ءۇيدىڭ سىرتقى قاسبەتى قالپىنا كەلتىرىلدى، قالعان 2 ءۇيدىڭ جۇمىستارى جاقىن ارادا بىتەتىن بولادى.

وسى ورايدا جوندەۋ جۇمىستارى بيزنەستىڭ-الەۋمەتتىك جاۋاپكەرشىلىگى اياسىندا ىسكە اسىرىلىپ جاتقانىن ايتا ءوتۋ قاجەت.

شىمكەنت قالاسى اكىمىنىڭ ءباسپاسوز قىزمەتى

پىكىرلەر