قر قارجى ءمينيسترى ەرۇلان جاماۋباەۆ ۇكىمەت وتىرىسىندا وتكەن 9 ايدىڭ ىشىندە مەملەكەتتىك بيۋدجەت قارجىسىن يگەرە الماعان ورگانداردى اتادى، دەپ حابارلايدى "ادىرنا" BAQ.kz - كە سىلتەمە جاساپ.
توعىز ايدىڭ ىشىندە مەملەكەتتىك بيۋدجەتتىڭ شىعىستارى 99,5%-عا، رەسپۋبليكالىق بيۋدجەتتىڭ شىعىستارى - 99,8%-عا، جەرگىلىكتى بيۋدجەتتەردىڭ شىعىستارى – 99,5%-دى اتقارىلدى.رەسپۋبليكالىق بيۋدجەتتىڭ شىعىستارى 10 ترلن 272 ملرد تەڭگەنى قۇرادى.
26 ملرد تەڭگە اتقارىلماعان. ونىڭ ىشىندە ۇنەمدەۋ 6 ملرد تەڭگە بولسا، يگەرىلمەگەنى – 20 ملرد تەڭگە. مادەنيەت جانە سپورت مينيسترلىگى (1,8 ملرد تەڭگە), باس پروكۋراتۋرا – 1,5 ملرد تەڭگە، قارجى نارىعىن رەتتەۋ جانە دامىتۋ اگەنتتىگى (1,4 ملرد تەڭگە), تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى (0,9 ملرد تەڭگە) سەكىلدى مەملەكەتتىك ورگانداردا ەڭ كوپ سوما يگەرىلمەگەن، - دەيدى ەرۇلان جاماۋباەۆ.
ونىڭ ايتۋىنشا، بولىنگەن قارجىنى يگەرە الماۋدىڭ نەگىزگى سەبەپتەرىنى قاتارىندا كونكۋرستىق راسىمدەردى، شارتتاردى جاساسۋ راسىمدەرىن ۇزاق وتكىزىلۋى، ورىندالعان جۇمىستار اكتىلەرىن ۇسىنباۋ، كارانتيندىك شەكتەۋلەرگە بايلانىستى تاۋارلاردى جەتكىزبەۋ، ناقتى كورسەتىلگەن قىزمەتتەر كولەمى، ورىندالعان جۇمىستار ءۇشىن اقى تولەۋ بار.
وسىعان وراي ورتالىق مەملەكەتتىك ورگاندار مەن جەرگىلىكتى اتقارۋشى ورگاندار جوسپارلانعان قاراجاتتى عانا ەمەس، سونداي-اق ۇكىمەت رەزەرۆىنەن بولىنگەن اقشانى دا يگەرۋدى جەدەلدەتۋى قاجەت. پايدالانىلماعان رەزەرۆتىك اقشانى اعىمداعى جىلدىڭ سوڭىنا دەيىن بيۋدجەتكە قايتارۋعا تۋرا كەلەدى.
جەرگىلىكتى بيۋدجەتتەردىڭ شىعىستارى 5,6 ترلن تەڭگەنى قۇرادى. اتقارىلماعانى - 30 ملرد تەڭگە. بيىلعى جىلى وڭىرلەرگە 2,3 ترلن تەڭگە سوماسىندا نىسانالى ترانسفەرتتەر كوزدەلگەن،- دەيدى مينيستر.
الدىن الا مالىمەتتەر بويىنشا ولارعا 1 قازانعا 1,5 ترلن تەڭگە بولىنگەن.
ونىڭ ىشىندە 99,5%-ءى يگەرىلگەن. اتقارىلماعانى - 8 ملرد تەڭگە. ونىڭ ىشىندە 2 ملرد تەڭگە ۇنەمدەلدى، 6 ملرد تەڭگە يگەرىلمەدى. وڭىرلەر اراسىندا اقتوبە – 0,9 ملرد تەڭگە، باتىس قازاقستان – 0,6 ملرد تەڭگە، قاراعاندى وبلىستارىندا – 0,5 ملرد تەڭگە جانە نۇر-سۇلتان قالاسى 0,5 ملرد تەڭگە سومانى يگەرىپ ۇلگەرمەگەن، - دەيدى ول.
"ادىرنا" ۇلتتىق پورتالى
