ارمياندار كەلىسىمدى بۇزدى

2698
Adyrna.kz Telegram

ازىربايجانداعى كوپقاباتتى ۇيگە زىمىران ءتۇسىپ، بەس تۇرعىن قازا تاپتى،- دەپ حابارلايدى “ادىرنا” ۇلتتىق پورتالى.

زىمىران ءازىربايجاننىڭ ەكىنشى ۇلكەن قالاسى گياندجاداعى كوپقاباتتى ۇيگە ءتۇسىپ، بەس ادام قازا تاۋىپ، 28 تۇرعىن جاراقات العان. عيمارات قيراپ قالعان. بۇل تۋرالى رەسپۋبليكانىڭ توتەنشە جاعدايلار مينيسترلىگىنىڭ سايتىندا حابارلاندى.

مينيسترلىكتىڭ مالىمەتىنشە، قازا تاپقاندار مەن جارالانعانداردىڭ دەنەلەرى ۇيىندىلەر استىنان شىعارىلدى. وقيعا ورنىندا جۇمىس جالعاسۋدا.

ءازىربايجان قورعانىس مينيسترلىگى ارمەنيانى وق جاۋدىردى دەپ ايىپتادى. بۇل تۋرالى مينيسترلىك Facebook پاراقشاسىندا مالىمدەدى. ەرەۆان بارلىق ايىپتى جوققا شىعاردى. «جوعارىدا ايتىلعان پىكىرلەر جالعان جانە شىندىققا ەش سايكەسپەيدى»، - دەپ جازدى ارمەنيا قورعانىس مينيسترلىگىنىڭ ءباسپاسوز حاتشىسى شۋشان ستەپانيان Facebook-تە.

10 قازاندا جەرگىلىكتى ۋاقىت بويىنشا 12: 00-دە (نۇر-سۇلتان ۋاقىتىمەن 8:00) تاۋلى قاراباقتا اتىستى توقتاتۋ كۇشىنە ەنگەن بولاتىن.كوپ ۇزاماي ارمەنيا مەن ءازىربايجان ءبىر-ءبىرىن كەلىسىمدى بۇزدى دەپ ايىپتاي باستادى.

ەستەرىڭىزگە سالا كەتەيىك، تاۋلى قاراباحتاعى (ارتساح) جاعداي 27 قىركۇيەكتە كۇرت شيەلەنىسكەن بولاتىن.

فوتو اشىق دەرەككوزدەن الىندى

“ادىرنا” ۇلتتىق پورتالى

پىكىرلەر