Ázirbaıjandaǵy kópqabatty úıge zymyran túsip, bes turǵyn qaza tapty,- dep habarlaıdy “Adyrna” ulttyq portaly.
Zymyran Ázirbaıjannyń ekinshi úlken qalasy Gıandjadaǵy kópqabatty úıge túsip, bes adam qaza taýyp, 28 turǵyn jaraqat alǵan. Ǵımarat qırap qalǵan. Bul týraly respýblıkanyń tótenshe jaǵdaılar mınıstrliginiń saıtynda habarlandy.
Mınıstrliktiń málimetinshe, qaza tapqandar men jaralanǵandardyń deneleri úıindiler astynan shyǵaryldy. Oqıǵa ornynda jumys jalǵasýda.
Ázirbaıjan qorǵanys mınıstrligi Armenııany oq jaýdyrdy dep aıyptady. Bul týraly mınıstrlik Facebook paraqshasynda málimdedi. Erevan barlyq aıypty joqqa shyǵardy. «Joǵaryda aıtylǵan pikirler jalǵan jáne shyndyqqa esh sáıkespeıdi», - dep jazdy Armenııa qorǵanys mınıstrliginiń baspasóz hatshysy Shýshan Stepanıan Facebook-te.
10 qazanda jergilikti ýaqyt boıynsha 12: 00-de (Nur-Sultan ýaqytymen 8:00) Taýly Qarabaqta atysty toqtatý kúshine engen bolatyn.Kóp uzamaı Armenııa men Ázirbaıjan bir-birin kelisimdi buzdy dep aıyptaı bastady.
Esterińizge sala keteıik, Taýly Qarabahtaǵy (Arah) jaǵdaı 27 qyrkúıekte kúrt shıelenisken bolatyn.
Foto ashyq derekkózden alyndy
“Adyrna” ulttyq portaly
