بۇل تۋرالى بۇگىن اقپاراتتىق-كوممۋنيكاتسيالىق ورتالىعىندا وتكەن بريفينگتە شىمكەنت قالالىق ءبىلىم باسقارماسىنىڭ باسشىسى جانات تاجيەۆا مالىمدەدى.
– شىمكەنت قالاسى رەسپۋبليكا بويىنشا مەكتەپتەردە «Bilim Iand-Onlinemektep.org» ينتەرنەت پلاتفورماسىندا قاشىقتان وقىتۋدا ەكىنشى ورىندا تۇر. ال قر بعم تاراپىنان ەندىرىلگەن «كۇندەلىك.كز» ەلەكتروندى جۋرنالدار اقپاراتتىق جۇيەسىندە ۇزدىك ۇشتىكتى قورىتىندىلادى. بۇل كورسەتكىش – قىركۇيەك ايىنىڭ قورىتىندىسى. ياعني، شىمكەنت قالاسىندا قاشىقتان وقىتۋ بارىسى ءوز دەڭگەيىندە، – دەدى ج.تاجيەۆا.
باسقارما باسشىسىنىڭ ايتۋىنشا، بۇگىندە قالادا 1-4-سىنىپتار ارالىعىندا 49 640 وقۋشى 3 344 كەزەكشى سىنىپتا، ال 174 978 (78%) وقۋشى قاشىقتان ءبىلىم الۋدا. قاشىقتان ءبىلىم بەرۋ جاعدايىندا 224618 وقۋشىنىڭ 80 780-ىندە (36,3%) كومپيۋتەرگە تاپشىلىق انىقتالعان. ءبىلىم ۇيىمدارىنداعى كومپيۋتەرلەردى ۋاقىتشا بەرۋ ارقىلى ءبىرىنشى كەزەكتە الەۋمەتتىك كومەكتى قاجەت ەتەتىن 20 150 وتباسىنىڭ 35 798 بالاسى قامتىلعان. الداعى ۋاقىتتا ساتىپ الىناتىن كومپيۋتەرلىك قۇرىلعىلار ەسەبىنەن 44 982 وقۋشى قامتىلادى. ونىڭ ىشىندە 7 109-ى – از قامتىلعان وتباسى بالالارى، ال ببۇدق سايكەس 37 873-ءى كومپيۋتەردى قاجەت ەتەتىن وتباسى بالالارىنا بەرىلەدى.
جانات ارىسبەكقىزىنىڭ سوزىنە سۇيەنسەك، قازىرگى تاڭدا قالاداعى ورتا ءبىلىم بەرۋ ۇيىمدارى وقۋشىلارىنا تاراتىلعان كومپيۋتەر سانى 33 840-تى قۇراپ وتىر. بۇل كورسەتكىش وسى جىلدىڭ شىلدەسىنە دەيىن 9226 بولعان. ال شىلدە ايىندا 10 975 كومپيۋتەر ساتىپ الىنعان. قىركۇيەك ايىنىڭ سوڭىنداعى مالىمەتكە جۇگىنسەك، 7438 كومپيۋتەر، 2000 نوۋتبۋك جانە 4201 پلانشەت ساتىپ الىنعان.
ايتا كەتەيىك، كومپيۋتەرلىك تەحنيكانى ساتىپ الۋ بويىنشا جۇمىستار جالعاسۋدا.
شىمكەنت اقپاراتتىق-كوممۋنيكاتسيالىق ورتالىعى
