قازاقستان رەسپۋبليكاسى پرەزيدەنتىنىڭ جارلىعىمەن ارنايى وپەراتسيالار كۇشتەرىنىڭ قولباسشىسى مىرزاحمەتوۆ ايدوس ساكەنۇلىنا جوعارى اسكەري شەن — گەنەرال-مايور اسكەري اتاعى بەرىلدى. گەنەرالدىق شەننىڭ بەلگىلەرىن قازاقستان رەسپۋبليكاسىنىڭ پرەزيدەنتى جەكە ءوزى تابىستادى.
ايدوس ساكەنۇلى مىرزاحمەتوۆ — قازاقستان رەسپۋبليكاسى قارۋلى كۇشتەرى اسكەري اكادەمياسىنىڭ 2002 جىلعى تۇلەگى. قىزمەت جىلدارى ىشىندە ۆزۆود كومانديرىنەن باستاپ مەملەكەتتىك كۇزەت قىزمەتى دەپارتامەنتىنىڭ باستىعىنا دەيىنگى جولدان ءوتىپ، جوعارى كاسىبيلىگىمەن، مىنەزىنىڭ بەرىكتىگىمەن جانە جاۋاپكەرشىلىگىمەن ەرەكشەلەندى.
2024 جىلعى قاڭتاردا قازاقستان رەسپۋبليكاسى پرەزيدەنتىنىڭ جارلىعىمەن ارنايى وپەراتسيالار كۇشتەرىنىڭ قولباسشىسى بولىپ تاعايىندالدى. ءىى دارەجەلى «ايبىن» وردەنىمەن ناگرادتالعان — بۇل ونىڭ تاباندى ەڭبەگىنىڭ، اسكەري بورىشقا ادالدىعىنىڭ جانە وتانعا دەگەن شەكسىز بەرىلگەندىگىنىڭ لايىقتى باعاسى بولىپ تابىلادى. گەنەرالدىق اتاقتىڭ بەرىلۋى — كوپجىلدىق ءمىنسىز قىزمەتتىڭ زاڭدى قورىتىندىسى، مەملەكەتتىڭ سەنىمىنىڭ بەلگىسى جانە ەل قاۋىپسىزدىگى جولىنداعى جوعارى جەكە جاۋاپكەرشىلىكتىڭ ايقىن دالەلى.
