بۇل تۋرالى بۇگىن اقپاراتتىق-كوممۋنيكاتسيالىق ورتالىعىندا قالاداعى ءورت قاۋىپسىزدىگى جانە جىلۋ بەرۋ ماۋسىمىنا دايىندىق بارىسى جونىندە وتكەن بريفينگتە شىمكەنت قالالىق توتەنشە جاعدايلار دەپارتامەنتىنىڭ باسشىسى، ازاماتتىق قورعاۋ پولكوۆنيگى ن.دەربىسوۆ مالىمدەدى.
– قالا اۋماعىندا 2020 جىلعى جازعى ءورت قاۋىپتى كەزەڭى باستالعالى بەرى ءىرى كولەمدە ورمان جانە دالا ورتتەرى تىركەلمەدى. جالپى، جىل باسىنان بەرى 128 ءورت وقيعاسى بولدى. بۇل وتكەن جىلمەن سالىستىرعاندا 15,2 پايىزعا تومەندەگەنىن بىلدىرەدى. ال جىلۋ بەرۋ ماۋسىمىندا ادامداردىڭ ۋلى گازبەن ۋلانۋىن الدىن الۋ ماقساتىندا 15 تامىزدان بەرى ءورت قاۋىپسىزدىك ايلىعى وتۋدە. ياعني قالا تۇرعىندارىنا ءتۇسىندىرۋ جۇمىستارى جۇرگىزىلىپ، پەشتەر مەن جىلىتۋ قۇرىلعىلارى تەكسەرىلۋدە، – دەدى نۇربولات بەكبولاتۇلى.
دەپارتامەنت باسشىسىنىڭ ايتۋىنشا، ءتۇسىندىرۋ جۇمىستارى كەزىندە 890 ءۇيدى ارالاپ، 4005 ادامعا تۇرمىستىق گاز قۇرىلعىلارىن پايدالانۋ كەزىندە ءورت قاۋىپسىزدىگىنىڭ تالاپتارىنى تۋرالى ايتىلعان. ودان بولەك، 186 قاتىسۋشى قامتىلعان 5 جيىن وتكىزىلگەن.
بريفينگ بارىسىندا ءباسپاسوز ماجىلىسىنە قاتىسۋشىلار ارنايى تۇسىرىلگەن قىسقا مەتراجدى بەينەروليكتى تاماشالادى. بۇل بەينەروليكتە تۇرمىستىق گاز بويىنشا ءتۇسىندىرۋ نۇسقاماسىنا بەي-جاي قاراعان تۇرعىن تۋرالى تۇسىرىلگەن.
ايتا كەتەيىك، اتالعان روليك الداعى ۋاقىتتا تەلەارنالاردا كورسەتىلىپ، قازنەتتە تاراتىلادى.
شىمكەنت اقپاراتتىق-كوممۋنيكاتسيالىق ورتالىعى
