Bul týraly búgin aqparattyq-kommýnıkaııalyq ortalyǵynda qaladaǵy órt qaýipsizdigi jáne jylý berý maýsymyna daıyndyq barysy jóninde ótken brıfıngte Shymkent qalalyq Tótenshe jaǵdaılar departamentiniń basshysy, azamattyq qorǵaý polkovnıgi N.Derbisov málimdedi.
– Qala aýmaǵynda 2020 jylǵy jazǵy órt qaýipti kezeńi bastalǵaly beri iri kólemde orman jáne dala órtteri tirkelmedi. Jalpy, jyl basynan beri 128 órt oqıǵasy boldy. Bul ótken jylmen salystyrǵanda 15,2 paıyzǵa tómendegenin bildiredi. Al jylý berý maýsymynda adamdardyń ýly gazben ýlanýyn aldyn alý maqsatynda 15 tamyzdan beri órt qaýipsizdik aılyǵy ótýde. Iaǵnı qala turǵyndaryna túsindirý jumystary júrgizilip, peshter men jylytý qurylǵylary tekserilýde, – dedi Nurbolat Bekbolatuly.
Departament basshysynyń aıtýynsha, túsindirý jumystary kezinde 890 úıdi aralap, 4005 adamǵa turmystyq gaz qurylǵylaryn paıdalaný kezinde órt qaýipsizdiginiń talaptaryny týraly aıtylǵan. Odan bólek, 186 qatysýshy qamtylǵan 5 jıyn ótkizilgen.
Brıfıng barysynda baspasóz májilisine qatysýshylar arnaıy túsirilgen qysqa metrajdy beınerolıkti tamashalady. Bul beınerolıkte turmystyq gaz boıynsha túsindirý nusqamasyna beı-jaı qaraǵan turǵyn týraly túsirilgen.
Aıta keteıik, atalǵan rolık aldaǵy ýaqytta telearnalarda kórsetilip, qaznette taratylady.
Shymkent aqparattyq-kommýnıkaııalyq ortalyǵy
