نۇر-سۇلتان قالاسىندا «تابيعاتتى ايالا» جاس ولكەتانۋشىلار، ەكولوگتار مەن تابيعات زەرتتەۋشىلەرىنىڭ رەسپۋبليكالىق فورۋمى ونلاين-فورماتتا ءوتتى. ءبىلىم الۋشىلاردى تابيعاتتى قورعاۋ قىزمەتىنە تارتۋ، ەكولوگيالىق مادەنيەتتىلىك پەن ساۋاتتىلىققا تاربيەلەۋ ماقساتىندا ۇيىمداستىرىلعان فورۋمعا شىمكەنت قالاسى اتىنان قالالىق كەزەڭدە جەڭىمپاز بولعان 6 وقۋشى قاتىستى. بۇل تۋرالى قالالىق ءبىلىم باسقارماسىنىڭ ماماندارى مالىمدەدى.
جىل سايىن رەسپۋبليكا كولەمىندە وتكىزىلەتىن فورۋم 6 نوميناتسيا بويىنشا ۇيىمداستىرىلدى. ولار: ۆيرتۋالدى ساياحات بويىنشا «تۋعان ولكە تاريحى» نوميناتسياسى، زەرتتەۋ جوبالارى - «جاسىل ەكونوميكا» نوميناتسياسى مەن «دەنساۋلىق جانە قورشاعان ورتا» نوميناتسياسى، ۆيدەوروليكتەر پرەزەنتاتسياسى بويىنشا «ەكوبولاشاق» نوميناتسياسى، ەكوديزاينەرلەر بويىنشا «جاسىل وازيستەر» نوميناتسياسى مەن «جەڭىس مامىرى» - پاننو نەمەسە كوللاج بايقاۋى.
«تابيعاتتى ايالا» فورۋمنىڭ رەسپۋبليكالىق كەزەڭىنىڭ قورىتىندىسىنىڭ ناتيجەسىندە №1 مامانداندىرىلعان IT ليتسەي-ينتەرناتىنىڭ وقۋشىسى اسەرەتبەك نۇراسىل نۇرلانۇلى «جاسىل وازيستەر» نوميناتسياسى بويىنشا ءى-ورىندى يەلەنىپ، قر بعم رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعىنىڭ I-دارەجەلى ديپلومىمەن جانە باعالى سىيلىعىمەن ماراپاتتالدى.
ال «ەكوبولاشاق» نوميناتسياسى بويىنشا №89 IT مەكتەپ-ليتسەيىنىڭ وقۋشىسى بوراشەۆا سارا اسانقىزى ىنتالاندىرۋ سىيلىعىن الدى.
سونىمەن قاتار، شىمكەنت قالاسىنان قاتىسقان توپتىڭ جەتەكشىسى «ەكولوگيا، ولكەتانۋ جانە تۋريزم ورتالىعى» كمم ادىسكەرى الاگوزوۆا سالتانات قر بعم رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعىنىڭ العىس حاتىمەن ماراپاتتالدى.
شىمكەنت قالاسى اكىمىنىڭ ءباسپاسوز قىزمەتى
