اقتوبە وبلىسىندا بىرقاتار ازامات «حالىق العىسى» مەدالىمەن ماراپاتتالدى

648

6-قازان سەيسەنبى كۇنى اقتوبە وبلىسىنىڭ اكىمى وڭداسىن ورازالين وڭىردەگى ءبىلىم بەرۋ، دەنساۋلىق ساقتاۋ، الەۋمەتتىك قورعاۋ سالالارىنداعى، سونداي -اق پاندەمياعا قارسى كۇرەستەگى قاجىرلى ەڭبەگى ءۇشىن 22 ازاماتقا «حالىق العىسى» مەدالىن تابىستادى.

«بيىلعى جىل بارىمىزگە دە ۇلكەن سىناق بولدى. الەمدى الەككە سالعان ىندەت ەل شەتىنە كەلگەندە، وعان قارسى تۇرۋعا بۇكىل ەل بولىپ جۇمىلدىق. كارانتين رەجيمىنە كوشىپ، ادەتتەگىدەن تىس جاعدايدا جۇمىس ىستەۋگە يكەمدەلدىك. مەملەكەت باسشىسى قاسىم-جومارت توقاەۆ قاۋىپتى ۆيرۋستىڭ كەڭ تاراپ كەتپەۋى ءۇشىن وسىنداي كۇردەلى، بىراق اسا قاجەت شەشىم قابىلدادى. دارىگەرلەرىمىز ءوز بىلىمدەرىمەن تاجىريبەلەرىنىڭ ارقاسىندا قانشاما ادامنىڭ ءومىرىن ساقتاپ قالدى. حالىقتىڭ دەنساۋلىعى مەن قاۋىپسىزدىگىن قامتاماسىز ەتۋ ءۇشىن، مۇمكىن بولعان قاۋىپ - قاتەرگە قاراماي ىندەتكە قارسى كۇرەسۋ – ناعىز ءپاتريوتيزمنىڭ كورىنىسى دەپ سانايمىن. وزدەرىڭىزدەي ازاماتتار بۇگىنگى كۇننىڭ شىنايى باتىرلارىنا حالقىمىزدىڭ العىسى شەكسىز»،-دەپ اتاپ ءوتتى ايماق باسشىسى.

«حالىق العىسى» مەدالىمەن اكىمشىلىك پوليتسيا باسقارماسى باستىعىنىڭ ورىنباسارى ەرلان اليماعانبەتوۆ، اقتوبە قالاسى اكىمشىلىك پوليتسيا ءبولىمىنىڭ باستىعى ۆياچەسلاۆ بيكمۇحانوۆ، دەنساۋلىق ساقتاۋ باسقارماسى باسشىسىنىڭ ورىنباسارى ايگۇل دۇيسەنباەۆا، «جايسان» شەكارا باقىلاۋ بولىمشەسىنىڭ كىشى باقىلاۋشىسى ارسلان ورازوۆ ت.ب ءار ءتۇرلى سالا ماماندارى مەن كاسىپكەرلەر، ەرىكتىلەر توبىنىڭ جەتەكشىلەرىنەن قۇرالعان بىرقاتار اقتوبەلىك ماراپاتتالدى.

اقتوبە وبلىسى

پىكىرلەر
رەداكتسيا تاڭداۋى