Aqtóbe oblysynda birqatar azamat «Halyq alǵysy» medalimen marapattaldy

2383
Adyrna.kz Telegram

6-qazan seısenbi kúni Aqtóbe oblysynyń ákimi Ońdasyn Orazalın óńirdegi bilim berý, densaýlyq saqtaý, áleýmettik qorǵaý salalaryndaǵy, sondaı -aq pandemııaǵa qarsy kúrestegi qajyrly eńbegi úshin 22 azamatqa «Halyq alǵysy» medalin tabystady.

«Bıylǵy jyl bárimizge de úlken synaq boldy. Álemdi álekke salǵan indet el shetine kelgende, oǵan qarsy turýǵa búkil el bolyp jumyldyq. Karantın rejımine kóship, ádettegiden tys jaǵdaıda jumys isteýge ıkemdeldik. Memleket basshysy Qasym-Jomart Toqaev qaýipti vırýstyń keń tarap ketpeýi úshin osyndaı kúrdeli, biraq asa qajet sheshim qabyldady. Dárigerlerimiz óz bilimderimen tájirıbeleriniń arqasynda qanshama adamnyń ómirin saqtap qaldy. Halyqtyń densaýlyǵy men qaýipsizdigin qamtamasyz etý úshin, múmkin bolǵan qaýip - qaterge qaramaı indetke qarsy kúresý – naǵyz patrıotızmniń kórinisi dep sanaımyn. Ózderińizdeı azamattar búgingi kúnniń shynaıy batyrlaryna Halqymyzdyń alǵysy sheksiz»,-dep atap ótti aımaq basshysy.

«Halyq alǵysy» medalimen Ákimshilik polıııa basqarmasy bastyǵynyń orynbasary Erlan Álımaǵanbetov, Aqtóbe qalasy ákimshilik polıııa bóliminiń bastyǵy Vıacheslav Bıkmuhanov, densaýlyq saqtaý basqarmasy basshysynyń orynbasary Aıgúl Dúısenbaeva, «Jaısan» shekara baqylaý bólimshesiniń kishi baqylaýshysy Arslan Orazov t.b ár túrli sala mamandary men kásipkerler, eriktiler tobynyń jetekshilerinen quralǵan birqatar aqtóbelik marapattaldy.

Aqtóbe oblysy

Pikirler