بۇگىن، 2020 جىلدىڭ 06 قازانىندا بۇقارالىق اقپارات قۇرالدارىندا «م.تىنىشپاەۆ اتىنداعى قازاق كولىك جانە كوممۋنيكاتسيالار اكادەمياسىنىڭ ءبىلىم بەرۋ قىزمەتىن جالعاستىرۋعا مۇمكىندىك بەرەتىن باس ليتسەنزياسىنان ايىرۋ تۋرالى» قر بعم-ءنىڭ ون كۇننەن كەيىن كۇشىنە ەنۋى ءتيىس بولاتىن اقپاراتتارى تاراپ كەتتى.
قازككا باسشىلىعى ستۋدەنتتەردى، وقىتۋشىلاردى جانە قوعامدى قر بعم ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنىڭ وسى اقپاراتتى جاريا ەتىپ، كوپشىلىكتى اداستىرعان ءىس-ارەكەتتەرىنىڭ زاڭسىزدىعى تۋرالى حاباردار ەتەدى.
بىرىنشىدەن، اكىمشىلىك قۇقىق بۇزۋشىلىق تۋرالى كودەكس نورمالارىنا سايكەس، اكادەميا قر بعم ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنىڭ شەشىمىنە شاعىمدانۋعا قۇقىلى جانە سوت ورگاندارىمەن اكىمشىلىك ءىس جۇرگىزۋدى توقتاتۋ تۋرالى شەشىم قابىلدانۋى مۇمكىن.
وسىعان بايلانىستى، قازىرگى ۋاقىتتا بۇل شەشىمنىڭ كۇشىنە ەنۋى جانە ەلدىڭ جەتەكشى مامانداندىرىلعان ۋنيۆەرسيتەتتەرىنىڭ ءبىرىنىڭ ءبىلىم بەرۋ قىزمەتىن توقتاتۋ تۋرالى ايتۋ مۇمكىن ەمەس. وقۋ پروتسەسىن ۇيىمداستىرۋعا قويىلعان تالاپتاردىڭ ۋاقتىسىنان كەشىگىپ بەرىلىپ وتىرعانىنا نازار اۋدارامىز. قر بعم ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنىڭ حابارلاماسىنان دايەكسوز: ء"بىر جىل ىشىندە اكادەميادا جوسپارلى جانە جوسپاردان تىس تەكسەرۋلەر جۇرگىزىلدى، ولاردىڭ بارىسىندا ءبىلىم بەرۋ سالاسىنداعى زاڭنامانى ورەسكەل بۇزۋشىلىقتار انىقتالدى. اتاپ ايتقاندا، وقۋ پروتسەسى ساپالى پروفەسسور-وقىتۋشىلار قۇرامىمەن، وندىرىستىك پراكتيكا بازالارىمەن، وقۋ-ادىستەمەلىك ادەبيەتتەرمەن قامتاماسىز ەتىلمەگەن. ءبىلىم بەرۋ باعدارلامالارى جۇمىس بەرۋشىلەردىڭ تالاپتارىنا تولىق سايكەس كەلمەيدى، بۇل تۇلەكتەردىڭ جۇمىسقا ورنالاسۋىنا اسەر ەتەدى. "اتامەكەن" قر ۇكپ رەيتينگىسىنىڭ مالىمەتتەرى بويىنشا اكادەميانىڭ ءبىلىم بەرۋ باعدارلامالارىنىڭ 60% - عا جۋىعى جۇمىس بەرۋشىلەردىڭ تالاپتارىنا سايكەس كەلمەيدى". قر بعم ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنىڭ حابارلاماسىندا "اتامەكەن" ۇكپ رەيتينگىنىڭ دەرەكتەرى بويىنشا اكادەميانىڭ ءبىلىم بەرۋ باعدارلامالارىنىڭ 60% - عا جۋىعى جۇمىس بەرۋشىلەردىڭ كۇتكەنىنە سايكەس كەلمەيتىنى ايقىن كورىنەدى. بۇل شىندىققا جاناسپايدى، ونى ۇلتتىق كاسىپكەرلەر پالاتاسى دا راستايدى.
قازىرگى ۋاقىتتا قازككا مەن پراكتيكا بازالارى كاسىپورىندارى اراسىندا 300-دەن استام شارت جاسالعان، ولاردىڭ ىشىندە، مىسالى، "قازاقستان تەمىر جولى" ۇلتتىق كومپانياسى، "ترانستەلەكوم" اق، "قازاقتەلەكوم" اق، "الاتاۋ جارىق كومپانياسى" اق جانە ت. ب.
وتكەن وقۋ جىلىندا 1189 تۇلەك قازككا جوعارى وقۋ ورنىن بىتىرگەنى تۋرالى ديپلوم الدى، ونىڭ 71% – ى جۇمىسقا ورنالاستىرىلدى (!).
كىتاپحانا قورى سونداي-اق ءبىلىم بەرۋ قىزمەتىنە قويىلاتىن بىلىكتىلىك تالاپتارىنىڭ شارتتارىنا سايكەس كەلەدى. وقۋ، وقۋ-ادىستەمەلىك ادەبيەتتەرمەن 100% پاندەر قامتاماسىز ەتىلگەن. قوردا ميلليونعا جۋىق كىتاپ بار، ەلەكتروندى قور 5000-نان استام اتاۋدى قۇرايدى!
2019-2020 وقۋ جىلىندا م.تىنىشپاەۆ اتىنداعى قازككا قر ءبىلىم جانە عىلىم مينيسترلىگى جانە قر "اتامەكەن" ۇلتتىق كاسىپكەرلەر پالاتاسىمەن بىرلەسىپ وتكىزگەن باكالاۆرياتتىڭ 14 ءبىلىم بەرۋ باعدارلاماسى بويىنشا رەيتينگتەن ءوتتى. رەيتينگ ناتيجەلەرى بويىنشا ءبىزدىڭ ءبىلىم بەرۋ باعدارلامالارىمىز باكالاۆرياتتىڭ 14 ءبىلىم بەرۋ باعدارلاماسىنا سايكەس جەتەكشى ورىندارعا يە بولدى (!).
جوسپارلى جانە جوسپاردان تىس تەكسەرۋلەر بارىسىندا ءبىزدىڭ جۇمىسىمىزدا انىقتالعان كەمشىلىكتەر ورىن الدى. الايدا، اكادەميا اتالعان كەمشىلىكتەردى اعىمداعى جىلدىڭ اقپان ايىندا جويدى، بۇل فاكتىنى قر بعم كوميسسياسى راستادى. كوميتەتتىڭ 2020 جىلعى مامىر-ماۋسىمدا جۇرگىزگەن تەكسەرۋ ناتيجەلەرى بويىنشا 2019 جىلعى قىركۇيەك ايىندا انىقتالعان كەمشىلىكتەر تىركەلگەن جوق. بۇل اكادەميانىڭ قىزمەتى جوعارى وقۋ ورىندارىنا قويىلاتىن بىلىكتىلىك تالاپتارىنا سايكەس كەلەتىندىگىن كورسەتەدى.
قازككا-دا پوق جالپى سانى-266. ونىڭ ىشىندە عىلىم دوكتورلارى - 20, عىلىم كانديداتتارى - 113, PhD دوكتورلارى-15. پوق جالپى سانىنان دارەجەلىلىك – 56 % قۇرايدى، شتاتتىق پوق سانىنان - 67% قۇرايدى، بۇل بىلىكتىلىك تالاپتارىنا سايكەستىكتى جانە اكادەميانىڭ جوعارى بىلىكتى پروفەسسور-وقىتۋشىلار قۇرامىمەن قامتاماسىز ەتىلگەندىگىن راستايدى.
اككرەديتتەۋ جانە رەيتينگتىڭ تاۋەلسىز اگەنتتىگى (ارتا) جۇرگىزگەن قر-2020 جوعارى وقۋ ورىندارىنىڭ ۇلتتىق رەيتينگى بويىنشا قازككا قازاقستان جوعارى وقۋ ورىندارىنىڭ باس رەيتينگىندە 13-ءشى ورىندا تۇر. باكالاۆريات، ماگيستراتۋرا جانە دوكتورانتۋرانىڭ ءبىلىم بەرۋ باعدارلامالارى قازاقستاننىڭ جوعارى وقۋ ورىندارى اراسىندا 1-3 ورىن الادى. ۇشىنشىدەن، اكادەميادا وقىماعان ستۋدەنتتەردىڭ ورنىنا شەتەلدىك ستۋدەنتتەردىڭ اقى تولەپ وقىعاندىعى تۋرالى كوميتەتتىڭ اقپاراتى شىندىققا سايكەس كەلمەيدى جانە ءبىر جاقتى ۇسىنىلعان.
اكادەميا بۇل دالەلدەرمەن تۇبەگەيلى كەلىسپەيدى، ويتكەنى ۋنيۆەرسيتەت باسشىلىعى مەن اكادەميانىڭ بارلىق قىزمەتكەرلەرى شەتەلدىك ستۋدەنتتەرگە اقشانى قايتارۋعا بايلانىستى بارلىق ماسەلەلەردى شەشۋ ءۇشىن دەر كەزىندە شارالار قابىلدادى.
وزبەكستان رەسپۋبليكاسىنداعى اكادەميانىڭ بۇرىنعى وكىلدەرى ك.ساديرباەۆا مەن م. ۋرۋمبەتوۆانىڭ الاياقتىق سيپاتتاعى ارەكەتتەر جاساعانى تۋرالى بارلىق قولدا بار دەرەكتەر قۇقىق قورعاۋ ورگاندارىنا جىبەرىلدى. اكادەميا شەتەلدىك ستۋدەنتتەردى قازككا-دا وقيتىن ستۋدەنتتەر قاتارىنا قابىلداۋ ءۇشىن قۇجاتتار العان جوق. تەكسەرۋ بارىسىندا انىقتالعان جالعان قۇجاتتار تۋرالى فاكتىلەر ءتيىستى قۇقىق قورعاۋ ورگاندارىنا بەرىلدى. م.ۇرىمبەتوۆانىڭ دا، ق. سادىرباەۆانىڭ دا ستۋدەنتتەردى اكادەمياعا قابىلداۋ ءۇشىن قول قويۋ قۇزىرەتى دە، قۇقىعى دا جوق
جوعارىدا باياندالعانعا بايلانىستى، مالىمدەيمىز: قر بعم ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنىڭ اتالعان كەمشىلىكتەرى ءبىر جىل بۇرىن انىقتالعان جانە ءىس جۇزىندە بارلىق ەسكەرتۋلەر ەسكەرىلىپ، كەمشىلىكتەر تۇزەتىلگەن. بارلىق كەمشىلىكتەردى تولىعىمەن جويۋ ءۇشىن مۇقيات جانە قيىن جۇمىستار جۇرگىزىلدى، الايدا بۇكىل اداماتتىڭ ەركىنەن تىس پايدا بولعان پلانەتاداعى پاندەميا جاعدايىندا وقۋ پروتسەسىنىڭ قاشىقتىقتان وقىتۋعا كوشۋىنە بايلانىستى تولىققاندى وقۋ پروتسەسىن شەشۋگە مۇمكىندىك بەرمەدى. قازاقستاندا 2020 جىلدىڭ 13 ناۋرىزىنان باستاپ ەنگىزىلگەن كارانتين كەزىندە قازككا وقۋىن جالعاستىرۋ ءۇشىن بارلىق كۇش-جىگەرىن جۇمسادى، سونىمەن قاتار اكادەميا باسشىلىعى مۇمكىندىگىنە قاراي قالالىق بيلىككە كارانتين كەزىندە ءتۇرلى ۆەدومستۆولاردىڭ قىزمەتكەرلەرىنە جاتاقحانالار بەرۋگە كومەك كورسەتتى.
ءبىز بارلىق جاۋاپكەرشىلىكپەن مالىمدەيمىز، اتالعان شاعىمداردىڭ كوپشىلىگىندە ەشقانداي نەگىز جوق جانە ەركىمىزدەن تىس ءبىر سۇراق تۋىندايدى: كوميتەت شەشىمىنىڭ ارتىندا جەكە ءبىر ۋنيۆەرسيتەتتەگى جاعدايدى تۇراقسىزداندىرۋدى ماقسات ەتەتىن ءۇشىنشى كۇشتەر تۇر ما؟
2020 جىلى 07 قازاندا قازاق كولىك جانە كوممۋنيكاتسيا اكادەمياسىندا ءباسپاسوز كونفەرەنتسياسى وتەدى، ونىڭ بارىسىندا قالىپتاسقان جاعداي تۋرالى ەگجەي-تەگجەيلى ايتىپ بەرەمىز جانە قوعام مەن جۇرتشىلىقتى قر بعم جىبەرىپ وتىرعان جاڭىلىسى تۋرالى حاباردار ەتەمىز.
قازككا ءباسپاسوز قىزمەتى
