پرەزيدەنتتىڭ ءباسپاسوز حاتشىسى بەرىك ءۋالي Facebook جەلىسىندەگى رەسمي پاراقشاسىندا قىرعىزستانداعى جاعدايعا قاتىستى مالىمدەمە جاسادى.
«قىرعىزستاندا بولىپ جاتقان وقيعالار – سول ەلدىڭ ىشكى ماسەلەسى. قازاقستاندا باۋىرلاس قىرعىزستانمەن ءوزارا ءداستۇرلى دوستىق قاتىناستاردى جانە ستراتەگيالىق سەرىكتەستىكتى نىعايتۋ اسا ماڭىزدى دەپ سانايدى. سونىمەن قاتار كورشىلەس ەلدەگى احۋالدى تۇراقتاندىرۋ ءىسى قىرعىزستاننىڭ كونستيتۋتسياسى مەن زاڭدارىنا سايكەس جۇزەگە اسىرىلادى دەپ ۇمىتتەنەدى. قىرعىز حالقى ءوز مەملەكەتىنىڭ ۇزاق مەرزىمدى مۇددەسى ءۇشىن كۇردەلى جاعدايدان شىعۋدىڭ ءتيىمدى جولىن تابادى دەپ پايىمدايدى»،-دەدى ول.
ەسكە سالا كەتەيىك، بىشكەكتىڭ ورتالىعىنداعى "الا-توو" الاڭىندا پارلامەنتتىك سايلاۋ ناتيجەسىنە قارسى بولعاندار ميتينگكە شىعىپ، «اق ۇيگە»باسىپ كىرگەن بولاتىن.
«ادىرنا» ۇلتتىق پورتالى
