نۇرسۇلتان نازارباەۆ «شىمكەنت ەسكى قالاشىعى» ارحەولوگيالىق نىسانىندا بولدى

1827
Adyrna.kz Telegram

نۇرسۇلتان نازارباەۆ قازاقستاننىڭ كونە تاريحي ورىندارىنىڭ ءبىرى بولىپ تابىلاتىن «شىمكەنت ەسكى قالاشىعى» تاريحي-مادەني مۇرا ەسكەرتكىشىنە باردى.

كونە قالاشىقتى ارالاپ كورۋ كەزىندە ەلباسى ارحەولوگيالىق جۇمىستاردىڭ ناتيجەلەرىمەن جانە مادەني كەشەندى ودان ءارى دامىتۋ جوسپارلارىمەن تانىستى.
ۇسىنىلعان اقپاراتقا سايكەس، 2021 جىلى كەشەن اۋماعىندا ءۇش دەڭگەيلى ورتاعاسىرلىق مۇراجاي مەن 500 ورىندىق امفيتەاتردىڭ قۇرىلىسى باستالادى.
سونداي-اق شارا اياسىندا قالا اكىمى م.ايتەنوۆ شىمكەنتتىڭ تۋريستىك الەۋەتى مەن ونىڭ دامۋ پەرسپەكتيۆالارى تۋرالى ايتىپ بەردى.

انىقتاما:
«شىمكەنت ەسكى قالاشىعى» – بۇل قازاقستان رەسپۋبليكاسىنىڭ جەرگىلىكتى ماڭىزى بار تاريحي جانە مادەني ەسكەرتكىشتەردىڭ مەملەكەتتىك تىزىمىنە ەنگىزىلگەن ارحەولوگيالىق نىسان.
جالپى قالاشىقتا ءۇش ستراتيگرافيالىق قازبا جاسالعان. قالاشىقتىڭ مادەني قاباتتارى 14 مەتردى قۇرايدى. قالاشىقتىڭ ەڭ تومەنگى قاباتىندا ب.ز.د. ءىىى ع. سوڭى - ب.ز.د. ءىى ع. باسىنا ءتان كەراميكا كەشەنى بار. ول سوعدىنىڭ ۋربانيزاتسيالانعان قونىستارىنا سايكەس كەلەدى.

پىكىرلەر