Nursultan Nazarbaev Qazaqstannyń kóne tarıhı oryndarynyń biri bolyp tabylatyn «Shymkent eski qalashyǵy» tarıhı-mádenı mura eskertkishine bardy.
Kóne qalashyqty aralap kórý kezinde Elbasy arheologııalyq jumystardyń nátıjelerimen jáne mádenı keshendi odan ári damytý josparlarymen tanysty.
Usynylǵan aqparatqa sáıkes, 2021 jyly keshen aýmaǵynda úsh deńgeıli ortaǵasyrlyq murajaı men 500 oryndyq amfıteatrdyń qurylysy bastalady.
Sondaı-aq shara aıasynda qala ákimi M.Áıtenov Shymkenttiń týrıstik áleýeti men onyń damý perspektıvalary týraly aıtyp berdi.
Anyqtama:
«Shymkent eski qalashyǵy» – bul Qazaqstan Respýblıkasynyń jergilikti mańyzy bar tarıhı jáne mádenı eskertkishterdiń memlekettik tizimine engizilgen arheologııalyq nysan.
Jalpy qalashyqta úsh stratıgrafııalyq qazba jasalǵan. Qalashyqtyń mádenı qabattary 14 metrdi quraıdy. Qalashyqtyń eń tómengi qabatynda b.z.d. III ǵ. sońy - b.z.d. II ǵ. basyna tán keramıka kesheni bar. Ol Soǵdynyń ýrbanızaııalanǵan qonystaryna sáıkes keledi.
