شىمكەنتتە شالعايداعى ەلدىمەكەن تۇرعىندارىنىڭ ينفراقۇرىلىم ماسەلەسى كەزەڭ كەزەڭىمەن شەشىلىپ كەلەدى. بارلىق اۋدان اۋماعىندا وسى باعىتتا جۇيەلى جۇمىستار قولعا الىنعان.
اباي اۋدانىنىڭ اكىمى بۇقارباي پارمانوۆ «ىنتىماق-2» شاعىناۋدانىنىڭ تۇرعىندارىمەن ينفاقۇرىلىم ماسەلەسى بويىنشا كەزدەستى. قازىرگى تاڭدا ەلدىمەكەندە اۋىز سۋ جۇيەسىنىڭ قۇرىلىس جۇمىستارى جۇرگىزىلۋدە. قۇرىلىس بارىسى اۋدان اكىمدىگىنىڭ ءجىتى باقىلاۋىندا.
بۇقارباي رىسقۇلۇلىنىڭ ايتۋىنشا، شاعىناۋداندا ەلەكتر جارىعى ماسەلەسى تاياۋدا شەشىلەدى. شاعىناۋدانىندا بۇگىندە 183 تۇرعىن ءۇي جەكەمەنشىك ترانسفورماتوردان ەلەكتر جارىعىن كيلوۆاتىنا 28 تەڭگەدەن الىپ وتىر. قازان ايىنان باستاپ بۇل باعا 25 تەڭگەگە تومەندەيدى.
قازىرگى تاڭدا ەلەكتر جۇيەسىنىڭ جوبالىق-سمەتالىق قۇجاتتاماسى (جسق) ازىرلەنگەن. كەلەسى جىلدان باستاپ بۇل ماسەلە تولىعىمەن شەشىمىن تابادى.
تاياۋدا اۋدان اكىمى ياسساۋي كوشەسىنىڭ تۇرعىندارىمەن ينفراقۇرىلىم ماسەلەسى بويىنشا كەزدەسكەن بولاتىن.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
