پرەزيدەنت قاسىم-جومارت توقاەۆ 2020 جىلدى «ەرىكتىلەر جىلى» دەپ بەكىتكەن. وسىعان سايكەس ەرىكتىلەر جىلىن كەڭ كولەمدە وتكىزۋ ماقساتىندا شىمكەنتتە قارقىندى جۇمىستار اتقارىلىپ وتىر.
قازىرگى تاڭدا شاھاردا 3 مىڭنان استام ەرىكتى، 20-عا جۋىق ەرىكتىلەر ۇيىمى بار. سولاردىڭ ءبىرى - «ىزگىلىكتە جارىسايىق» قايىرىمدىلىق قوعامدىق قورى. اتالعان قور قالالىق جاستار رەسۋرستىق ورتالىعىنىڭ قولداۋىمەن «ەرىكتىلەر مەكتەبىن» اشىپ وتىر.
«ەرىكتىلەر مەكتەبىنىڭ» باستى ماقساتى – قورشاعان ورتاعا قامقورلىق كورسەتۋ، مۇقتاجدارعا كومەك بەرىپ، ىزگىلىك جولىندا جاستاردىڭ ءوز ءىزىن قالدىرۋى بولىپ وتىر. سونىمەن قاتار، جاس ۇرپاقتىڭ بويىنا ادامگەرشىلىك، ىزگىلىك، قامقورلىق پەن قايىرىمدىلىق سياقتى اسىل قاسيەتتەردى دارىتۋ.
«ىزگىلىكتە جارىسايىق» قايىرىمدىلىق قوعامدىق قورىنىڭ ەرىكتىلەرى ءبىلىم، ەكولوگيا، الەۋمەتتىك باعىتتارىندا جۇمىس جاسايدى.
ماسەلەن، «ەكو-ۆولونتەر» باعىتىندا «شىمكەنت – تازا قالا»، «شىمكەنت – جاسىل قالا» جوبالارى بويىنشا قالانىڭ تازالىعىنا ءوز ۇلەستەرىن قوسىپ وتىر. سونداي-اق، «پلوگگينگ» سايىستارىن مەكتەپ وقۋشىلارى جانە ستۋدەنتتەر اراسىندا ۇيىمداستىرىپ كەلەدى. ول جۇگىرۋ مەن قوقىس جيناۋدى بىرىكتىرەتىن ەكولوگيالىق قوزعالىس. بۇل ارقىلى ۆولونتەرلاردى تازالىققا، سابىرلىققا، مادەنيەتتىلىككە ۇيرەتەدى.
ال، «پەدكلۋب» ءبىلىم جوباسى جاستار اراسىندا جۇمىسسىزدىق دەڭگەيىن تومەندەتۋ، ۇلتتىق قۇندىلىقتاردى ناسيحاتتاۋ ماقساتىندا جاسالىنعان.
شىمكەنت قالاسى اكىمىنىڭ ءباسپاسوز قىزمەتى
